Svıatoslav TIMAShEV,
Nobel syılyǵynyń laýreaty, Reseı «Mashınalandyrý júıesiniń úlken úmitteri men múmkindikteri» ǵylymı-zertteý ortalyǵynyń dırektory:
– Men ǵalamdyq jylyný máselesimen ulttyq deńgeıde aınalysatyndyǵyn málimdegen alǵashqy el Qazaqstan ekendigin aıtqym keledi. Bul klımattyq qubylys bolǵandyqtan, adamzat arnaıy eshteńe isteı almaıdy, biraq sol úshin eki baǵytta jumys isteı alady. Birinshisi – adaptasııa, ekinshisi – preventıvti is-áreket. Bul turǵyda VII Astana ekonomıkalyq forýmynda jasyl ekonomıkaǵa arnalǵan sessııalar nátıjeli bolady degen oıdamyn.
Rasım LIаICh,
Serbııa Respýblıkasy Premer-mınıstriniń orynbasary, syrtqy jáne ishki saýda, telekommýnıkasııalar mınıstri:
– Astana ekonomıkalyq forýmynyń mańyzy ýaqyt ótken saıyn artyp kele jatqandyǵyna osy forýmǵa qatysý barysynda taǵy da kóz jetkizip otyrmyn. Bul basqosýǵa álemniń 150 elinen 10 myńnan astam sarapshylar men bilikti mamandar jınalǵan eken. Osyǵan qarap-aq oǵan halyqaralyq qaýymdastyq tarapynan týyndap otyrǵan qyzyǵýshylyqty anyq baıqaýǵa bolady.
Mine, osynshama qonaqty bir sátte qabyldap otyrǵan Astananyń áleýeti de meni oılandyryp tastady. Meniń baıqaýymsha, qala bolashaǵy óte úlken. Onyń qazirgi saltanatty keıpi kimdi de bolsyn qyzyqtyrǵandaı.
Endi forým jaǵdaıyna qaıtadan oralsam, alǵashqy kúnniń ózinde qanshama mańyzdy basqosýlar bolyp jatyr. Olar jalpy adamzatqa qatysty kúrdeli problemalardy qozǵaýymen-aq óziniń tıimdiligin dáleldeýde. Shynyn aıtsam, osynda ótip jatqan seksııalardyń, bıznes-forýmdardyń eshqaısysyn qur jibergim kelmeıdi-aq. Biraq oǵan múmkindik shekteýli. Sondyqtan ózime qajetti basqosýlarǵa qatysyp árbir ýaqytymdy barynsha tıimdi paıdalanýǵa umtylyp otyrmyn. Forým jumysyna sáttilik tileımin.
Brenda HALLORAN,
Vaterloo qalasynyń meri:
– Astana ekonomıkalyq forýmy búginde adamzat aldynda turǵan keleli mindetterdiń sheshimin izdeıtin jahandyq únqatysý alańyna aınaldy. Álemge tanymal ekonomıster men dýaly aýyz sarapshylar bul álemdik mańyzdy jıynnyń kún tártibinde talqylanatyn máselelerge erekshe basymdyq beredi. Sońǵy eki jyldan beri forým sheńberinde ótkizilip kele jatqan Dúnıejúzilik daǵdarysqa qarsy konferensııada belgilengen Daǵdarysqa qarsy dúnıejúzilik jospar álemniń aldyńǵy qatarly aqyl-oıyn adamzat bolashaǵy maqsatyndaǵy úlken iske jumyldyryp otyr. Men osy halyqaralyq forým aıasynda ótkizilip otyrǵan V «Astana Invest-2014» Halyqaralyq ınvestısııalyq forýmyna qatysyp, baıandama jasadym. Osy oraıda Astana qalasynyń ekonomıkalyq damý qarqynyna erekshe tánti boldym. Aqıqatynda Qazaqstan elordasynyń ınvestısııalyq áleýetiniń aıryqsha zor ekendigine kóz jetkizdim. Jalpy, búginde álemdik ekonomıkalyq daǵdarystardyń aldyn alýda Astana ekonomıkalyq forýmyna júkteletin mindet júgi aýqymdy.
