Degenmen atqarylýy tıis aýqymdy jumystyń biri – uńǵyma qazý. Sol arqyly Toǵys, Aınatas, Eltaı eldi mekenindegi 11 myńǵa jýyq halyq aýyz sýmen qamtamasyz etilmek. Qazirgi tańda qurylys jumystary qarqyn alǵan. Toǵystan 73 metrlik sý uńǵymasy qazylyp, bolat qubyrlar salynýda. Ol qosymsha uńǵyma retinde jaz aılarynda qoldaný úshin kerek. Osyǵan baılanysty Shymkent qalasynyń ákimi M.Áıtenov jumystyń belgilengen merziminen keshikpeı, sapaly oryndalýyna kúsh salý kerektigin aıtyp, jaýapty mekemelerge tıisti tapsyrmalar júktedi.
Negizinen Toǵys eldi mekeniniń turǵyndary aýyz sýdan taryqqan emes. Búgingi tańda tirshilik nárimen qamtylý kórsetkishi 98 paıyzdan asqan. Sapaly elektr jaryǵymen qamtylý kórsetkishi de 99 paıyzǵa jetip otyr. Bıyl turǵyndardy jaryqpen qamtý úshin jańadan baǵanalar ornatylyp, elektr jelileri tartyldy. Sondaı-aq Toǵys jurtynyń 98 paıyzy kógildir otyn tutynady. Tek jańaqurylys aýmaǵyndaǵy 31 tutynýshynyń máselesin sheshý úshin kelesi jyly jobalyq smetalyq qujaty ázirlenbek. Eldi meken joldaryna da ákimdik tarapynan jiti nazar aýdarylyp keledi. Máselen, byltyr Aqmaıa men Aıyrshyq kósheleri ortasha jóndeý kórse, bıyl 4 kóshe asfalttaldy. Toǵystaǵy kósheler sany – 18. Budan ózge S.Ospanov pen Munaıbarlaýshylar kóshesine de osy jyly jaryqshamdar ornatyldy.
Sondaı-aq Toǵys eldi mekeninde 15 myńnan astam halyqqa qyzmet kórsetetin jeke ınvestısııa esebinen Togus-med medısına ortalyǵy ashylmaq. Sonyń nátıjesinde Toǵys, Eltaı, Jylanbuzǵan, Maıatas, Aınatas eldi mekenderi tolyq medısınalyq qyzmetpen qamtylady. Ortalyqtyń bir aýysymdaǵy syıymdylyǵy 200 adam quraıdy. Munda bastapqy áleýmettik-medısınalyq kómekpen birge (eresekter men balalarǵa), JTD, pedıatrııa, akýsher-gınekologııa, hırýrgııa, travmatologııa, kardıologııa, endokrınologııa, onkologııa, ýrologııa, gastroenterologııa, LOR, oftalmologııa, stomatologııa, revmatologııa, profpatologııa, nevrologııa, dermatovenerologııa, medısınalyq reabılıtasııa, fızıoterapııa jáne emdik fızkýltýra men massaj syndy emdik sharalar boıynsha qyzmetter kórsetiledi. Sonymen birge ortalyq rentgen, flıýorografııa, ÝDZ, EKG, EEG, holter, spırografııa sekildi dıagnostıkalyq qyzmetter usyný úshin zerthanamen jáne rentgen, flıýrografııa, ÝZI, EKG, EEG, holter, spırograf sekildi zamanaýı apparattarmen jabdyqtalady. Munda kúndizgi stasıonar da jumys isteıtin bolady. Medısınalyq ortalyqtyń sapaly qyzmetiniń nátıjesinde sanıtarlyq kómektiń tıimdiligi jaqsaryp, pasıentter ýaqtyly, tolyq jáne sapaly tekserilip, ambýlatorııalyq nemese kúndizgi stasıonar jaǵdaıynda em qabyldaıdy.
– Medısınalyq ortalyq bul eldi mekenderge jaqyn ornalasqan. Sondyqtan qalaǵa kelip áýre bolmaı-aq qyzmettiń basym bóligin osynda alýǵa bolady. Bul óz kezeginde halyqqa sapaly medısınalyq qyzmettiń qoljetimdiligin arttyrady, – dedi shahar basshysy.
Toǵys eldi mekeniniń janyndaǵy Maıatas aýylynda da ırrıgasııalyq júıeler jańǵyrtylýda. Máselen, turǵyn alabynyń Q.Nysanbaıuly kóshesi boıyna ırrıgasııalyq naýalar ornatyldy. Bul eki eldi meken de qalanyń Eńbekshi aýdanyna qaraıdy. Sondaı-aq Toǵys pen Maıatasty qosqanda osy aýdandaǵy Badam-1 turǵyn alaby men Shańyraq shaǵyn aýdanynda 1,6 shaqyrymdy quraıtyn aryqtar qazylyp jatyr. Osydan eki aı buryn bastalǵan jumys qazan aıynda aıaqtalady degen jospar bar. О́z kezeginde qala ákimi aldaǵy aýa raıynyń qandaı bolatynyn boljap bile almaǵandyqtan, jaýyn-shashyn bastalǵansha aýmaqtaǵy aryz-atyzdardy salyp bitirý keregin eskertti.
Aıta ketý kerek, byltyr aýdan aýmaǵyndaǵy 13 mekenjaıda 3,3 shaqyrymǵa ırrıgasııalyq aryqtar ornatylǵan edi. Bıyl jańbyr shamadan kóp jaýyp, aryq-atyzdardyń jetispeýshiligi baıqaldy. Sondyqtan sý basýdyń aldyn alý úshin birinshi kezekte 7,3 shaqyrymdy quraıtyn 21 nysanǵa ırrıgasııalyq júıeler júrgizý josparlandy. Qazirge deıin 14 mekenjaıda jalpy uzyndyǵy 5,3 shaqyrym bolatyn aryqtar ornatylyp, jumystar bitýge jaqyn qaldy. Ol Qarabastaý, Qaratóbe jáne Badam-1 turǵyn alaptaryndaǵy kósheler men joldar. Jospar boıynsha qalǵan 31 mekenjaıǵa ırrıgasııalyq júıeler 2023-2025 jyldar aralyǵynda júrgiziledi.
ShYMKENT
