VII Astana ekonomıkalyq forýmy aıasynda ótkizilip jatqan forýmdar men konferensııalarmen qatar taǵy bir erekshe shara ótti. Ol shara jahandyq energetıka, halyqaralyq saıasat pen ekonomıka salalaryndaǵy sarapshy Denıel Ergınniń «QAZYNA. Munaı, aqsha jáne bılik úshin kúrestiń búkilálemdik tarıhy» atty álemdik bestselleriniń qazaq tilindegi basylymynyń tusaýkeseri bolatyn.
Tusaýkeser rásimin ashqan «Egemen Qazaqstan» respýblıkalyq gazeti» aksıonerlik qoǵamynyń prezıdenti Saýytbek Abdrahmanov ataqty amerıkalyq avtor Denıel Ergınniń «Qazyna» atty kitabynyń qazaq tilinde jaryq kórýi Astana ekonomıkalyq forýmynyń ashylýymen tuspa-tus kelýinde ózindik bir mán bar ekenin aıtty. Álemge áıgili eńbektiń aýdarylýy qazaqsha ekonomıkalyq ádebıettiń kásibı turǵydan biliktilikpen jazylýyna, bul taqyryptaǵy termınologııanyń ornyǵýyna ıgi áser etetindigi anyq. «Qazynanyń» álemdik bestseller ekendigi daý týǵyzbaıdy, dedi. Buǵan deıin 17 tilge aýdarylǵan bul týyndy jaıynda 700-den astam kitaptarda, maqalalarda, dıssertasııalarda áńgime etiledi. Kitap boıynsha jalpy kólemi 6 saǵattyq derekti serıal túsirilgen. Fılmdi tek AQSh-tyń ózinde 20 mıllıon adam kóripti. AQSh energetıka mınıstriniń konsýltasııalyq keńesiniń múshesi, Energetıka salasyndaǵy strategııalyq zertteýler jónindegi arnaýly komıssııanyń tóraǵasy bolyp tabylatyn Denıel Ergın – halyqaralyq saıasat, ekonomıka men qýat kózderi máselelerinde bedeldi tulǵa. «Qazyna» kitaby úshin avtor Pýlıtser syılyǵynyń laýreaty atanǵan. Búkil álemde jýrnalıstıka salasyndaǵy eń bedeldi syılyq Denıel Ergınge osyndaılyq salmaqty, osyndaılyq aýyr taqyrypty óte sheberlikpen, qyzyqty, tartymdy etip jaza alǵany úshin berilgen.
Tusaýkeserde sóz alǵan Ulttyq bank tóraǵasy Qaırat Kelimbetov D.Ergınniń forým jumysyna qatysyp, kitap tusaýkeserine qatysýy úlken abyroı ekendigin jetkize otyryp, alǵysyn aıtty. Energetıka jóninde jahandyq sarapshynyń kómegine munaı erekshe oryn alatyn elder kómegine júginetinin atap ótti. Postkeńestik elderde de belsendi qyzmet atqaratyn D.Ergınniń Qazaqstanda da birneshe máseleler boıynsha keńesshi bolǵandyǵyn jetkizdi. «Qazaqstan táýelsizdik alǵannan keıin munaı derjavasy atandy, osy ýaqyttan bastap munaı óndiretin iri 20 el qataryna endi. Qazaq halqy da munaı ındýstrııasynda tanymal bola bastady. Sondyqtan bul kitaptyń munaı shyǵarýshy elderde, sonyń ishinde qazaq tilinde de shyǵýy mindetti bolatyn. Osylaısha mine, búgin osy kitaptyń avtory D.Ergınmen birge tusaýkeser ótkizip otyrmyz. Bul óte úlken eńbek. Aýdarmasyn mańdaıaldy aýdarmashylar toby jasady. Olar osy kitaptyń óte názik degen tustaryn oraıly sózdermen naqty bere aldy degen oıdamyn», dedi ol.
Tanymal qoǵam qaıratkerleri, Parlament depýtattary Qýanysh Sultanov, Nurlan Orazalın, belgili tilshi-ǵalym Sherýbaı Qurmanbaıuly kitap týraly pikirlerin ortaǵa saldy.
Kitap avtory alǵysyn aıta otyryp, Astanaǵa kelgenine qýanyshty ekendigin jetkizdi. «Maǵan «Qazyna» ataýy unaıdy, sebebi, bul kitap meniń jeke qazynam. Sondyqtan bul kitapqa berilgen resenzııalardyń ishindegi eń jaqsysy osy sekildi. Oıly sózderińizge, meniń jazý ónerime bergen sıpattamalarǵa rahmet. Bul kitapty qazaq tilinde jarııalaý Q.Kelimbetov myrza ekeýmizdiń armanymyz bolatyn. 2-3 jyl buryn bastalǵan oı búgin júzege asty. Sondyqtan shyn júrekten Qazaqstanda qazaq tilinde oqyrmandarǵa jol tartqandyǵy úshin qýanyshtymyn», dedi ol. Sýretteme sıpatynda bolǵandyqtan kitap óte kólemdi. Sondyqtan aýdarmashylarǵa, baspaǵa da iltıpatymdy bildiremin. Kitapty men óz qolymmen qalammen 7 jyl jazyp shyqtym. Eger qolmen emes, kompıýterge terý arqyly jazsam budan da kólemdirek bolar ma edi, dedi D.Ergın.
Tusaýkeser rásimin qorytyndylaı kele, Saýytbek Abdrahmanov Internettegi «Bıll Geıts: Meni oılandyrǵan on kitap» degen materıaldan osy kitap týraly «Bul – ǵajaıyp kitap. Men ony oqýdy energetıka máselelerine qyzyǵýshylyq tanytatyn barsha jurtqa tabandy túrde usynar edim. Denıel Ergın sizge ózimizdiń energetıkalyq bolashaǵymyzdy qalyptastyratyn búkil dınamıkany da, kóńilge azdap bolsa da optımızm uıalatatyn ınnovasııalardy da tamasha túsindirip beredi» dep aıtqanyn alǵa tarta otyryp, «Álemdegi №1 mıllıarderdiń sózine sengenimiz durys shyǵar», dep tusaýkeserdi aıaqtady.
Tusaýkeser rásimin ashqan «Egemen Qazaqstan» respýblıkalyq gazeti» aksıonerlik qoǵamynyń prezıdenti Saýytbek Abdrahmanov ataqty amerıkalyq avtor Denıel Ergınniń «Qazyna» atty kitabynyń qazaq tilinde jaryq kórýi Astana ekonomıkalyq forýmynyń ashylýymen tuspa-tus kelýinde ózindik bir mán bar ekenin aıtty. Álemge áıgili eńbektiń aýdarylýy qazaqsha ekonomıkalyq ádebıettiń kásibı turǵydan biliktilikpen jazylýyna, bul taqyryptaǵy termınologııanyń ornyǵýyna ıgi áser etetindigi anyq. «Qazynanyń» álemdik bestseller ekendigi daý týǵyzbaıdy, dedi. Buǵan deıin 17 tilge aýdarylǵan bul týyndy jaıynda 700-den astam kitaptarda, maqalalarda, dıssertasııalarda áńgime etiledi. Kitap boıynsha jalpy kólemi 6 saǵattyq derekti serıal túsirilgen. Fılmdi tek AQSh-tyń ózinde 20 mıllıon adam kóripti. AQSh energetıka mınıstriniń konsýltasııalyq keńesiniń múshesi, Energetıka salasyndaǵy strategııalyq zertteýler jónindegi arnaýly komıssııanyń tóraǵasy bolyp tabylatyn Denıel Ergın – halyqaralyq saıasat, ekonomıka men qýat kózderi máselelerinde bedeldi tulǵa. «Qazyna» kitaby úshin avtor Pýlıtser syılyǵynyń laýreaty atanǵan. Búkil álemde jýrnalıstıka salasyndaǵy eń bedeldi syılyq Denıel Ergınge osyndaılyq salmaqty, osyndaılyq aýyr taqyrypty óte sheberlikpen, qyzyqty, tartymdy etip jaza alǵany úshin berilgen.
Tusaýkeserde sóz alǵan Ulttyq bank tóraǵasy Qaırat Kelimbetov D.Ergınniń forým jumysyna qatysyp, kitap tusaýkeserine qatysýy úlken abyroı ekendigin jetkize otyryp, alǵysyn aıtty. Energetıka jóninde jahandyq sarapshynyń kómegine munaı erekshe oryn alatyn elder kómegine júginetinin atap ótti. Postkeńestik elderde de belsendi qyzmet atqaratyn D.Ergınniń Qazaqstanda da birneshe máseleler boıynsha keńesshi bolǵandyǵyn jetkizdi. «Qazaqstan táýelsizdik alǵannan keıin munaı derjavasy atandy, osy ýaqyttan bastap munaı óndiretin iri 20 el qataryna endi. Qazaq halqy da munaı ındýstrııasynda tanymal bola bastady. Sondyqtan bul kitaptyń munaı shyǵarýshy elderde, sonyń ishinde qazaq tilinde de shyǵýy mindetti bolatyn. Osylaısha mine, búgin osy kitaptyń avtory D.Ergınmen birge tusaýkeser ótkizip otyrmyz. Bul óte úlken eńbek. Aýdarmasyn mańdaıaldy aýdarmashylar toby jasady. Olar osy kitaptyń óte názik degen tustaryn oraıly sózdermen naqty bere aldy degen oıdamyn», dedi ol.
Tanymal qoǵam qaıratkerleri, Parlament depýtattary Qýanysh Sultanov, Nurlan Orazalın, belgili tilshi-ǵalym Sherýbaı Qurmanbaıuly kitap týraly pikirlerin ortaǵa saldy.
Kitap avtory alǵysyn aıta otyryp, Astanaǵa kelgenine qýanyshty ekendigin jetkizdi. «Maǵan «Qazyna» ataýy unaıdy, sebebi, bul kitap meniń jeke qazynam. Sondyqtan bul kitapqa berilgen resenzııalardyń ishindegi eń jaqsysy osy sekildi. Oıly sózderińizge, meniń jazý ónerime bergen sıpattamalarǵa rahmet. Bul kitapty qazaq tilinde jarııalaý Q.Kelimbetov myrza ekeýmizdiń armanymyz bolatyn. 2-3 jyl buryn bastalǵan oı búgin júzege asty. Sondyqtan shyn júrekten Qazaqstanda qazaq tilinde oqyrmandarǵa jol tartqandyǵy úshin qýanyshtymyn», dedi ol. Sýretteme sıpatynda bolǵandyqtan kitap óte kólemdi. Sondyqtan aýdarmashylarǵa, baspaǵa da iltıpatymdy bildiremin. Kitapty men óz qolymmen qalammen 7 jyl jazyp shyqtym. Eger qolmen emes, kompıýterge terý arqyly jazsam budan da kólemdirek bolar ma edi, dedi D.Ergın.
Tusaýkeser rásimin qorytyndylaı kele, Saýytbek Abdrahmanov Internettegi «Bıll Geıts: Meni oılandyrǵan on kitap» degen materıaldan osy kitap týraly «Bul – ǵajaıyp kitap. Men ony oqýdy energetıka máselelerine qyzyǵýshylyq tanytatyn barsha jurtqa tabandy túrde usynar edim. Denıel Ergın sizge ózimizdiń energetıkalyq bolashaǵymyzdy qalyptastyratyn búkil dınamıkany da, kóńilge azdap bolsa da optımızm uıalatatyn ınnovasııalardy da tamasha túsindirip beredi» dep aıtqanyn alǵa tarta otyryp, «Álemdegi №1 mıllıarderdiń sózine sengenimiz durys shyǵar», dep tusaýkeserdi aıaqtady.
