Ishki ister mınıstrligi Krımınaldyq polısııa departamentiniń aǵa jedel ýákili Qudııar Nurseıitovtiń aıtýynsha, elimizdegi «qara naryqqa» avtokólikterdiń negizgi bóligi taıaý shetelderden, kóbine Reseıden ákelinedi.
– Bul másele boıynsha Ishki ister mınıstrligi TMD elderiniń quqyq qorǵaý organdarymen tyǵyz qarym-qatynas ornatty. Osy baǵyttaǵy jumystar elimizde 2017 jylǵy jeltoqsanda ratıfıkasııalaǵan «TMD-ǵa qatysýshy memleketterdiń avtokólik quraldaryn urlaýǵa qarsy kúrestegi jáne olardy qaıtarýdy qamtamasyz etýdegi yntymaqtastyq týraly kelisim» negizinde júrgiziledi. Halyqaralyq shartta ózara qarym-qatynas nysandary, qajetti aqparattyq bazalardy qalyptastyrý jáne qoldaý, urlanǵan avtokólikti qaıtarý merzimderi jáne olardy qaıtarýdan bas tartý negizderi naqty jazylǵan. Osyndaı birlesken jumystardyń nátıjesinde sońǵy 5 jylda TMD elderinde Qazaqstanda urlanǵan 50-den astam avtokólik tabyldy. О́z kezeginde, bizdiń elimizde dostastyq memleketteriniń aýmaǵynda urlanǵan 200-ge jýyq avtokólik izdestirildi, – deıdi Q.Nurseıitov.
Kóligińizdiń qaýipsizdigin qamtamasyz etý úshin eń qarapaıym qaýipsizdik normalaryn saqtaý qajet. Eshýaqytta avtokólikti esigin ashyq jáne kiltimen qaldyrmańyz; kólikti túnde turaqqa qoıǵanda garajdy nemese kúzetiletin turaqty paıdalanyńyz; qylmysker sizdiń kóligińizdi tez ıemdenbeýi úshin tıisti sharalar qabyldańyz: ony elektrondy jáne mehanıkalyq urlyqqa qarsy qurylǵylarmen jáne GPS maıaktary bar urlyqqa qarsy keshendermen jabdyqtańyz; avtokólik salonynda qujattar men qundy zattardy qaldyrmańyz; basqa memlekette tirkelgen avtokólikti satyp alǵanda, ártúrli ınternet saıttar usynatyn qyzmetter arqyly qolda bar derekter boıynsha avtokóliktiń «tazalyǵyn», ıaǵnı buryn urlanǵan-urlanbaǵanyn tekserińiz!
