Alashtyń alyp jigiti

Otbasynda ózinen basqa úsh aǵasy men bir apaıy bar. Ol ómirge kelgende, salmaǵynda da, bo­ıynda da erekshelik baı­qal­mapty. Alaıda ájesi iri súıekti, ákesi uzyn boıly, keń ıyqty, iri saýsaqty bolypty. Onyń boıy 6-synypta oqyp júrgende óse bastaǵan. Al 9-10-synyptarda oqyǵan kezde 50 ólshemdi aıaqkıim tabý qıynǵa soqqan. Mek­tepti bitirgende salmaǵy 120 kıloǵa jetip, boıy 2 metr bolǵan.

Bıyl 27 jasqa tolǵan alyp jigittiń densaýlyǵynda esh ki­nárat joq. Boıynyń uzyndyǵy da, salmaǵynyń aýyrlyǵy da júris-turysyna kedergi kel­tirmeıdi. Qazirgi salmaǵy – 150 kılo. Kıimdi arnaıy tapsyrys­pen tiktiredi.

Jarsýat aýylynyń turǵyny Baıǵalı О́temanovtyń aıtýyn­sha, jergilikti turǵyndar bir­neshe jyl buryn «Shapaǵat» qo­ryn qurǵan. Qorǵa jınalǵan qar­jyǵa jaqynda Almaty qala­synda turatyn aıaqkıim sheberi Valerıı Voronınge tapsyrys berilgen. О́z isiniń sheberi Pa­rasat Nur­ǵalıev úshin 56-ólshemdi aıaqkıim tigip bergen.

– Bizdiń aýyldyń turǵyn­dary 2017 jyldan beri qorǵa qarjy jınap, túrli is-sharaǵa demeýshilik jasap keledi. Týmysy bólek Parasatqa aıaqkıim jaǵynan kómektesýdiń jolyn izdestirdik. Astana, Almaty, ózge de qalalardaǵy aıaqkıim she­berlerine habarlastyq. Sonyń ishinen almatylyq aıaqkıim she­­beri Valerıı Voronın taza bylǵarydan 56-ólshemdi aıaq­kıim tigip berdi. Aıaqkıimdi tik­tirý úshin 200 myń teńge tó­ledik. Almatyda turatyn Jar­sýat aýylynyń azamaty Jalǵas Jan­ǵalıev aıaqkıimdi tigý barysyn qadaǵalap, aýylǵa berip jiberdi, – deıdi Baıǵalı О́temanov.

Qazir alyp jigit Parasat Nur­ǵalıev dostarymen birge ir­getas quıý, sylaq júrgizý sekildi ártúrli jumysty atqarady. Mek­­tep bitirgennen keıin dáne­ker­­leýshi mamandyǵyn alǵan eken. Alaıda mamandyǵy bo­ıyn­sha jumys istemegen.

Atyraý oblysy