Kezdesý kezinde Senat Spıkeri mártebeli meımanǵa Vetnam eliniń delegasııasy Astanada ótip jatqan AО́SShK-niń VI Sammıtine qatysqany úshin rızashylyǵyn bildirdi. Sondaı-aq Máýlen Áshimbaev atalǵan eldiń Álemdik jáne dástúrli dinder lıderleriniń VII Sezine kórsetken qoldaýy úshin alǵysyn jetkizdi. Dinder forýmyna Vetnam býdda sanghasy basqarma keńesiniń ókilderi belsendi qatysqanyn aıta ketken jón.
Sonymen qatar Máýlen Áshimbaev Qazaqstan Respýblıkasy men Vetnam Sosıalıstik Respýblıkasy arasynda dıplomatııalyq qatynastyń ornaǵanyna 30 jyl tolǵanyn, osy aralyqta qalyptasqan ózara baılanystyń damý qarqyny joǵary ekenin atap ótti.
«Qazaqstan men Vetnam arasyndaǵy yntymaqtastyqtyń joǵary deńgeıde qalyptasqanyn aıryqsha atap ótkim keledi. Qazirgi tańda álemdik qoǵamdastyq pandemııadan birtindep shyǵyp jatyr. Soǵan baılanysty iskerlik baılanystar qarqyny artyp otyr. Osyǵan oraı biz aldaǵy kezeńde parlamentaralyq yntymaqtastyqty da nyǵaıtý úshin belsendi jumys isteı alamyz», dedi Máýlen Áshimbaev.
Sondaı-aq Senat Tóraǵasy Qazaqstan Prezıdenti Qasym-Jomart Toqaevtyń bastamasymen elimizde saıası, ekonomıkalyq jáne áleýmettik salalardy jańǵyrtý úshin júrgizilip jatqan aýqymdy reformalarǵa toqtaldy. Máýlen Áshimbaev elimizdiń ishki saıasatyndaǵy bıylǵy basty oqıǵa – Prezıdent saılaýyna da nazar aýdardy. Ol 20 qarashada ótetin saılaý elimizdiń saıası júıesin qaıta júkteý jolyńdaǵy mańyzdy qadam ekenin tilge tıek etti.
О́z kezeginde Vo Thı An Sýan eki el arasyndaǵy halyqaralyq yntymaqtastyqty nyǵaıtýdyń jáne saýda-ekonomıkalyq, mádenı-gýmanıtarlyq, sondaı-aq týrızm baǵytyndaǵy ózara baılanysty arttyrýdyń mańyzdy ekenin aıtty.
