Sammıt sheńberinde elder men memleketter tarapynan Azııadaǵy ózara is-qımyl jáne senim sharalary jónindegi keńesti bekitý maqsatyn kózdeıtin qujattar usynyldy.
«AО́SShK transformasııasyna qatysty qujattardy qabyldaýǵa qarsylyq bar ma? Eshqandaı qarsylyq joq. AО́SShK transformasııasy týraly astanalyq málimdeme qabyldandy dep esepteledi», dediMemleket basshysy Qasym-Jomart Toqaev.
Sammıt kezinde AО́SShK kóshbasshylarynyń qaýipsizdik jáne aqparattyq-kommýnıkasııalyq tehnologııalardy paıdalaný salasyndaǵy yntymaqtastyq týraly málimdemesiniń jobasy qabyldanldy.
Sondaı-aq, AО́SShK elderiniń kóshbasshylary AО́SShK qoryn qurýǵa qatysty qujat pen terrorızmge qarsy BUU qararyn júzege asyrý boıynsha AО́SShK is-qımyl jospary qabyldandy.
Eske sala ketsek, búgin Astanada Qazaqstan Prezıdenti Qasym-Jomart Toqaevtyń tóraǵalyǵymen keńesti shaqyrý bastamasynyń 30 jyldyǵyna oraı AО́SShK-niń VI sammıti bastaldy.
Jıynǵa 11 eldiń memleket basshylary qatysyp jatyr. Olar: Ázerbaıjan, Irak, Iran, Qyrǵyzstan, Palestına, Tájikstan, Reseı, Túrkııa, О́zbekstan, Katar, Belarýs.
Sondaı-aq, elordaǵa Vetnamnyń vıse-prezıdenti, QHR tóraǵasynyń orynbasary jáne bes mınıstr keldi.
