12 qazanda Astanada Qazaqstan Respýblıkasy Saýda ıntegrasııasy mınıstrliginiń jáne basqa da múddeli memlekettik organdardyń, áleýmettik-kásipkerlik korporasııalardyń, «Aqsý Kant» JShS, «Merki qant» JShS, «Kóksý qant zaýyty» JShS jáne «Taraz qant zaýyty» JShS ókilderi qant baǵasyn tómendetý boıynsha memorandýmǵa qol qoıdy.
Bul qant baǵasyn turaqtandyrýǵa, azyq-túlik qaýipsizdigin qamtamasyz etýge jáne eldegi qant salasyn damytýǵa múmkindik beredi.
Saýda komıtetiniń tóraǵasy Erjan Qazanbaevtyń aıtýynsha, memorandýmǵa qol qoıý aınalym qarajatyn bólýdi kózdeıtin memlekettik qarjylyq qoldaý júıesiniń jańa tetikterin engizýdegi mańyzdy qadam. Bul ishki naryqta áleýmettik mańyzy bar ónimderdiń qoljetimdiligin qamtamasyz etip qana qoımaı, tutastaı alǵanda qant salasyn damytýǵa múmkindik beredi.
«Qant óńdeý zaýyttary qanttyń úsh aılyq kólemin satyp alyp, jyl boıy úzdiksiz óńdeýdi qamtamasyz ete alady. О́z kezeginde zaýyttar 1 jylǵa satý baǵasyn bekitý, zaýyttardy mindetti túrde jańǵyrtý, qoımalyq qýattardy ulǵaıtý jáne qant ónerkásibin damytý josparyn múltiksiz oryndaý boıynsha naqty ózara mindetteme alady», dedi Saýda komıtetiniń tóraıymy E. Qazanbaev.
Qazaqstanda bir jylda qant 87 paıyzǵa qymbattady. 14 shildede Qazaqstan Prezıdenti Qasym-Jomart Toqaev qant máselesine baılanysty Saýda jáne ıntegrasııa mınıstri Baqyt Sultanov pen Aýyl sharýashylyǵy mınıstri Erbol Qarashókeevke sógis jarııalaǵan edi.
