Áleýetti áriptes

Astanada Qazaqstan men Nıderl­and arasyndaǵy ınves­tısııalyq baılanysty odan ári arttyrýǵa arnalǵan dóńgelek ústel ótti. Elimizdiń Syrtqy ister mınıstrligi, Kazakh invest ulttyq kompanııasy jáne Qazaqstannyń Nıderlandtaǵy Elshiligi uıymdastyrǵan sharaǵa 100-den astam delegat qatysty.

Qazaqstannyń Nıderlandtaǵy Elshisi Asqar Jumaǵalıev atap ótkendeı, pandemııadan keıin azyq-túlik qaýipsizdigin qam­tama­syz etý búkil álem úshin negizgi basym­dyqqa aınaldy. Al Nıderland­tyń Qazaqstandaǵy Elshisi Andre Karstens bul is-shara ekonomıkalardyń ózara damýyn qamtamasyz etýge, eńbek jaǵdaılaryn ártaraptandyrýǵa ári jeńildetýge, sondaı-aq elder­diń bıznestegi yntymaq­tastyǵy úshin jaqsy jaǵdaı jasaýǵa eleýli úles qosýǵa tıis ekenin aıtty.

Elimizdiń Aýyl sharýashy­lyǵy vıse-mınıstri Jeńis О́ser­baı agroónerkásiptik keshen sa­lasyndaǵy qarym-qatynastardy keńeıtýdiń zor áleýeti baryn atap ótti. Al Nıderlandtyń aýyl sharýashylyǵy mınıstrligi­niń arnaıy ókili Frederık Vossenar aýmaǵy shaǵyn, soǵan qaramastan aýyl sharýashylyǵy ónimderi men azyq-túlik eksporty boıynsha álemde ekinshi oryndy ıelenetin Gollandııa fermerleriniń tabys tarıhyna toqtaldy.

«Kazakh invest» ult­tyq kompanııasy» AQ basqar­ma tóraǵasynyń orynbasary Jandos Temirǵalı «Qazaq­stan­nyń ınvestısııalyq múmkin­dikteri» taqyrybynda baıandama jasady. Ol gollandııalyq kompanııalar energetıkalyq sektordan tamaq ónimderin óndirý, mashına jasaý, farmasevtıka sekildi óńdeýshi ónerkásipterdi ártaraptandyrýǵa múddeli ekenin atap ótti. Nıderland Qazaqstan ekonomıkasyna qarjy quıyp otyrǵan iri ınvestorlardyń biri bolyp sanalady. 2021 jyly Koroldikten elimizge baǵyttalǵan ınvestısııa aǵyny 6,9 mlrd dollardy qurady.

О́simdikterdiń jańa suryp­taryn qorǵaý jónindegi halyq­aralyq odaq (UPOV) bas hat­shy­synyń orynbasary Pıter Battonnyń aıtýynsha, Qazaq­stannyń atalǵan odaq qataryna kirýi aýyl sharýashylyǵy óndi­risiniń tıimdiligin qamta­ma­syz etýge oń áserin tıgizedi. Bul odaq Qazaqstandy óz qataryna qabyldaýǵa jáne tájirıbe, jańa tehnologııalar men bilim almasýdyń nátıjesinde respýblıka boıynsha sharýa qoja­lyq­taryn joǵary deńgeıge shyǵarýǵa daıyn ekenine sendirdi.

Philips vıse-prezıdenti Iаn-Vıllem Sheıgrond óz sózinde Qazaqstannyń el turǵyn­dary­na joǵary sapaly jáne jo­ǵary tehnologııalyq medısı­nalyq qyzmet kórsetýge degen umtylysyn atap ótti. Kompa­nııa­nyń Qazaqstandaǵy 25 jyl­dyq jumysynda ol úkimettiń osy baǵyttaǵy progressıvti qozǵalysyna erekshe toqtaldy. Bul ómir súrý uzaqtyǵy sııaq­ty mańyzdy faktorǵa áser ete­tini sózsiz. Ol qazaqstandyq áriptestermen birlesken jobalardy júzege asyrýǵa daıyn ekenin bildirdi.

«SK Farmasııa» JShS bas­qar­ma tóraǵasy Erhat Esqa­lıev medısınalyq ortalyqtardy orta­lyqtandyrý baǵdarlamasy aıasynda Philips kompanııasymen ózara túsinistik týraly me­morandýmǵa qol qoıý Qazaq­standaǵy medısınany jetildirý­degi jáne medısınany sıfrlan­dyrý salasynda tájirıbe al­masýǵa mańyzdy qadam bolatynyn aıtty.

Dutch Clean Tech kompa­nııa­synyń prezıdenti Sander Pılkenrýd aýyz sýdy tazartý salasyndaǵy jobalardy júze­ge asyrýǵa daıyn ekendigin málimdedi. Olar qazirdiń ózinde álem boıynsha 1 myńnan astam jobany júzege asyrǵan jáne bul tájirıbeni Qazaqstanda da qoldanýǵa daıyn.

Negizgi sessııa aıaqtalǵannan keıin qatysýshylar jalpy somasy 450 mln eýrodan asatyn qujattarǵa qol qoıdy. Atap aıtsaq, Lely Group pen BIK Pavlodar oblysynda avto­mat­tan­dyrylǵan sút fermasyn qu­rý boıynsha yntymaqtastyq týraly memorandýmdy bekitti. Philips kompanııasy men elimizdiń Densaýlyq saqtaý mınıstrligi arasynda densaýlyq saqtaý salasyndaǵy jobalardy júzege asyrý boıynsha yntymaqtastyq týraly memorandýmǵa qol qoıyl­dy. Sonymen qatar Kazakh invest ulttyq kompanııasy gollandııalyq Clean Tech kompanııasymen Qazaqstandaǵy kárizdik tazartý qondyrǵylarynyń qury­lysy jobasyn júzege asyrý týraly kelisimge keldi.

Rijk Zwaan jáne Ekologııa, geologııa jáne tabıǵı resýrs­tar mınıstrligi Orman sharýa­shylyǵy jáne janýarlar dúnıesi komıtetiniń «Botanıka jáne fıtoıntrodýksııa ınstıtýty» tuqym sharýashylyǵy boıynsha birlesken jumys týraly kelisimdi bekitti. Sondaı-aq Nı­der­land Koroldiginiń Aýyl sharýa­shylyǵy mınıstrligi men Qazaqstan Aýyl sharýashylyǵy mınıstrliginiń Aýyl sharýa­shylyǵy daqyldarynyń sort­taryn synaý jónindegi mem­lekettik komıssııasy arasynda yntymaqtastyq týraly memo­randýmǵa qol qoıyldy.

Dóńgelek ústel «Mal, qus sharýashylyǵy, et jáne sút óndirisi, veterınarııa» jáne «Jylyjaı sektoryn damytý» paneldik sessııalarynda jal­ǵasty. Paneldik talqylaýlar bary­synda agroónerkásiptik keshen­di damytý máseleleri, jańa teh­nologııalar jáne olardy Qazaq­standa qoldaný múmkindikteri talqylandy. Dóńgelek ústel semınarmen jáne ekijaqty kezdesýlermen aıaqtaldy.