Ataýly jyldyń berekesi

Osy rette Prezıdent Qa­zaq­stan halqyna joldaǵan ja­ńa­jyldyq quttyqtaýynda: «Men Memleket basshysy re­tinde óske­leń urpaqtyń bola­shaǵyna basa mán beremin. Jastarǵa zor úmit artamyn. Jastarymyz atqarylyp jatqan aýqymdy ju­mystyń, reformalardyń ıgi­ligin mindetti túrde kóredi. Olardyń arasynda kózi ashyq, kókiregi oıaý, oıy ushqyr azamattar az emes. Biz óskeleń urpaqqa jol ashý úshin barlyq jaǵdaıdy jasaýymyz kerek. Balalar – memleketimizdiń jarqyn bolashaǵynyń kepili. Sondyqtan da aldaǵy jyldy Balalar jyly dep jarııalaý kerek dep esepteımin. Áńgime jalań uran men merekelik is-sharalar týraly emes. Birinshi kezekte bılik tarapynan balalardy qorǵaý úshin densaýlyq saqtaý, bilim berý, áleýmettik qoldaý baǵytynda naqty is-sharalar qolǵa alynýy kerek. О́skeleń urpaqtyń úılesimdi damýy men baqytty balalyq shaǵy – bizdiń jalpyulttyq mindetimiz», dedi Qasym-Jomart Toqaev.

Endeshe, respýblıkanyń úshin­­shi megapolısinde de Balalar jyly aıasynda birshama is-shara uıym­dastyrylyp, ıgi ister qolǵa alyndy. Áli de jalǵasyn taýyp jatyr. Sonyń biri – Shymkent qalalyq bilim basqarmasyna qa­rasty Mektepke deıingi damytý ortalyǵynyń uıymdastyrýymen qalalyq «Jasyl tehnologııa­lar balanyń kózimen» atty taqy­ryp­taǵy baıqaý. Is-shara osy jyldyń 11 qazanynda «Aına­laıyn balapan» bóbekjaı bala­baq­­sha­synyń ǵı­maratynda ótti. Baı­qaýǵa 34 balabaqshadan 100-ge jýyq baldyrǵan qatysty.

Baıqaýdyń maqsaty ekolo­gııalyq mádenıetti qalyptas­ty­rýǵa jáne óskeleń urpaqtyń na­za­ryn qorshaǵan orta problemalaryna aýdarýǵa baǵyttaldy.

Saıys qorytyndysy boıynsha eń úzdik dep tanylǵan №61 «Nurtas» bóbekjaı baqshasynan kelgen Meıirbek Maǵjannyń jáne №70 «Sholpan» bóbekjaı baq­shasynan kelgen Aınısa Abzal­qyzynyń jumystary res­pýb­lıkaǵa joldandy.

Jalpy, balalar tárbıesi men bilimine jaýaptynyń biri us­­tazdar desek, memleket peda­gog­­terge qamqorlyqty aıap jat­qan joq. Máselen, 2020 jyldan bastap búginge deıin ustazdar jala­qysy 75 paıyzǵa ósti. 2023 jyly taǵy 25 paıyzǵa ósip, nátıjesinde 2019 jylmen salys­tyr­ǵanda 2 ese artady.

Sonymen birge Balalar jyly sheńberinde bıýdjetten 44,6 mlrd teń­ge qarjy bólinip, bastaýysh synyp oqýshylary 100 paıyzǵa tegin ystyq tamaq­pen qamtamasyz etildi. Bilim uıym­d­ary oqýshylardyń qaýip­siz­digi úshin beınebaqylaý júıe­simen, dabyl batyr­masy­men týrnıketter jáne I dárejeli ma­mandandyrylǵan kúzet­pen to­lyq qamtyldy. Al materıal­dyq-tehnıkalyq bazany jańartý úlesi 32-den 72 paıyzǵa artty.

Oqýshylardy qosymsha bilim­men qamtý maqsatynda sport jáne mádenıet salalaryna alǵash ret jan basyna qar­jy­landyrý júıesi engizildi. Sol arqyly balalar qosymsha úıirmelerge qatysýǵa múmkindik alyp, mektepten tys qosymsha bilim alatyn oqýshylar úlesi bir jylda 49-dan 76 paıyzǵa ósti. Bul kórsetkishti jergilikti ákimdik tarapynan 2023 jyly 85 paıyzǵa, al 2025 jylǵa qaraı 100 paıyzǵa jetkizý josparlanyp otyr.

Sondaı-aq qala ustazdarynyń eren eńbeginiń nátıjesinde, oqý­shylar halyq­aralyq, res­pýb­lıkalyq pándik bilim saıys­tarynan 10 altyn, 17 kúmis, 33 qo­­lany jeńip aldy. 200-den astam oqýshy júldeli oryndar ıelendi.

Shymkent qalasyndaǵy 871 bilim berý uıymynda 440 myńǵa jýyq tárbıe­le­nýshi, oqýshy men stýdent bilim alady. Iаǵnı megapolıstegi árbir úshinshi adam ustazdan tálim tergen jas.

Búgingi tańda jas urpaqtyń qamy úshin jasalǵan tirliktiń bári «Bilimdi ult» sapaly bilim berý» ulttyq jobasy men Pre­zıdenttiń Qazaqstan halqyna arna­ǵan Joldaýy aıasynda iske asyp jatyr. Osy oraıda bal­dyr­ǵan­dardy balabaqshamen qamta­masyz etý máselesine kelsek, 2-6 jas aralyǵynda bala­lardyń – 89 paıyzy, al 3-6 jastaǵy baldyrǵandardyń júz paıyzy balabaqshaǵa barady. 2025 jylǵa deıin qosymsha 105 balabaqshany iske qosý arqyly qajettilik bir­jolata sheshiletin bolady.

Qudaıǵa shúkir, megapolıste mektep oqýshylarynyń sany jyldan-jylǵa artyp keledi. Aıtalyq, sońǵy bes jylda 106 myńnan 245 myń oqýshyǵa nemese 2,3 esege ulǵaıdy. Aldaǵy 5 jylda mektep tabaldyryǵyn 315 myńǵa jýyq oqýshy attaıdy dep kútilýde. Osyǵan oraı jergilikti ákimdik 2021-2025 jyldar aralyǵynda 101 mektep salýdy kózdep otyr. Sońǵy eki jyldyń ózinde shaharda 58 orta bilim berý uıymy paıdalanýǵa berildi.

Sonymen qatar Memleket basshy­synyń «Jaıly mektep» jobasy boıynsha Shymkentte 2025 jylǵa qaraı 32 mekteptiń irgesi qalanady. Sońǵy eki jylda jeke ınvestorlar jan basyna qarjylandyrý baǵdarlamasy ese­binen jańadan 50 mektep salyp, 21 300 oqýshyǵa jaǵdaı jasaldy.

Aldaǵy ýaqytta taǵy da 25 mekteptiń qurylysyn júrgizýge usynystar túsýde. Sonyń nátı­je­sinde, úsh aýysymda bilim be­retin mektepter máselesi 2023 jyly, al synyp tolymdylyǵy joǵary (defısıt) mektepter problemasy 2025 jyly tolyǵymen sheshiletin bolady.

Balalar jylynyń mega­po­lıs­tiń bilim berý salasyndaǵy jemisi, mine, osyndaı!

ShYMKENT