Olar aıanyshty kúıge túsken qusty tastap ketpeı, birden Býrabaı kýrortyndaǵy zardap shekken ań-qustar baǵylatyn haıýanattar baǵyna ákeldi.
Haıýanattar baǵynyń veterınarlary birqazannyń jaralanbaǵanyn, qanattary bútin ekenin anyqtady. Biraq qatty álsiregen qustyń ushýǵa shamasy joq. Oǵan aldyn-ala tumaý nemese vırýstyq aýrý juqqan degen dıagnoz qoıylyp otyr.
«Qazir birqazan haıýanattar baǵynyń qysqy úıinde baǵylyp jatyr. Jergilikti veterınar men basqa da qyzmetkerler oǵan kútim kórsetedi. Bıylǵy qysty osy jerde ótkizýge tıis. Biz onyń tezirek kúsh jınap qalpyna kelýine, sóıtip kóktemge qaraı úıirine qosylyp, ushyp ketýine bar kúshimizdi salamyz», deıdi baq qyzmetkerleri.
