Jergilikti polısııa bastyǵynyń orynbasary Vadjıd Tahımniń aıtýynsha, oqıǵa Djamshoro aýdanyndaǵy Nýrıabad qalasyna jaqyn jerde bolǵan. Apattyq avtobýs Karachı portynan Dadý aýdanyndaǵy Haırpýr Natan Shahqa bara jatqan.
Bastapqy tekserýler órttiń salqyndatý júıesindegi aqaýdan shyqqanyn kórsetti. Oqıǵa ornyna shuǵyl jetken polıseıler, qutqarýshylar men órt sóndirýshiler órtti sóndirdi, zardap shekkender aýrýhanaǵa jetkizildi.
Avtobýs salonynda bir aýyldan kelgen 55 jolaýshy bolǵan. Vadjıd Tahım qaza tapqandar arasynda segiz balanyń bar ekenin atap ótti. Aýrýhana qyzmetkerleri qaza tapqandar sany artýy múmkin dep qaýiptenip otyr. Sebebi zardap shekkenderdiń birnesheýi aýyr kúıik alǵan.
