«Qazirgi álemde aqparattyq keńistiktegi keleńsiz jaıttardyń aldyn alý jónindegi ózara is-áreketterdiń mańyzdylyǵy artyp keledi. Sıfrlyq tehnologııalardyń, áleýmettik jeliler men messendjerlerdiń qarqyndy damýy jaǵdaıynda orynsyz aıtylǵan kez kelgen sóz, ásirese jastar arasynda óshpendilik pen etnosaralyq arazdyq týǵyzýy múmkin. Sonyń saldarynan qoǵamdaǵy birlik pen kelisimdi nyǵaıtýǵa baǵyttalǵan kópjylǵy kúsh-jiger zaıa ketedi», dedi ol.
Sondaı-aq daý-janjal men dúrbeleńdi boldyrmaý úshin salalyq vedomstvolar men qoǵamdyq uıymdar tyǵyz yntymaqtastyq ornatyp, túsindirý jumystaryn barynsha belsendi júrgizýge tıis degendi aıtty.
«Kóp nárse bizdiń memleket qaıratkerlerimizdiń saıası jaýapkershiligine de baılanysty. О́kinishke qaraı, keıbir elderde seriktes memleketterge qatysty arandatýshylyq sıpattaǵy sózder aıtylyp júr. Mundaı jaǵdaı ashý-yza týǵyzatyny zańdylyq jáne destrýktıvti kúshter úshin utymdy bolmaq», dedi Qasym-Jomart Kemeluly.
