Jármeńkede Pavlodar oblysynyń óndirýshileri elordaǵa naryqtyq baǵadan 10-15% tómen baǵamen satylatyn 520 tonna ónim ákeldi.
«Men elordada uıymdastyrylatyn aýylsharýashylyq jármeńkelerine únemi qatysamyn. Pavlodar oblysynyń kartoptary erekshe dámdi. Men sondaı-aq sút, qaımaq, súzbe satyp aldym. Mundaǵy ónimder arzanyraq. Biz sııaqty zeınetkerler úshin mundaı jármeńkeler óte tıimdi», deıdi elorda turǵyny Úmit Sarybaeva.
О́tken jyldardaǵy tájirıbe boıynsha pavlodarlyq aýyl sharýashylyǵy taýaryn óndirýshilerdiń barlyq ónimderiniń ishinde astanalyqtar arasynda et ónimderi, bal, kartop jáne kókónister erekshe tanymal.
Esterińizge sala keteıik, jármeńkeler ár demalys kúnderi 30 qazanǵa deıin ótedi. Kelesi bolyp óz ónimderin Qaraǵandy jáne Ulytaý oblystarynyń kásipkerleri usynady.
