Júlde qory 46 mln teńgeni quraıtyn konkýrs negizgi úlken 5 nomınasııa boıynsha 16 syılyqty qamtıdy. Jańa jobanyń bastalǵany týraly mınıstr Dáýren Abaev Facebook áleýmettik jelisindegi paraqshasynda jazdy.
«Ulttyq qundylyqtarymyzdy ulyqtap, jańa óner týyndylary avtorlaryn qoldaýǵa baǵyttalǵan DALA DAUYSY respýblıkalyq konkýrsyn jarııalap otyrmyz. Jańa avtorlardy elge tanytýǵa, tyń týyndylardyń kópshilikke taralýyna, patrıottyq ánderdiń keńinen nasıhattalýyna serpin beretin konkýrs shyǵarmashylyq ıelerin beı-jaı qaldyrmaıdy dep senemiz», dep jazdy Dáýren Abaev.
Jeńimpazdar «Úzdik folklorlyq mýzyka», «Úzdik klassıkalyq mýzyka», «Úzdik dramatýrgııalyq týyndy», «Úzdik mýzykalyq-teatrlyq janr týyndysy», «Respýblıka áni» (Estrada janry), Mádenıet jáne sport mınıstrliginiń 2 arnaıy júldesi nomınasııalary boıynsha 2022 jylǵy jeltoqsanda marapattalady.
О́tinimder 15 qazan men 15 qarasha aralyǵynda qabyldanady.
