Tazalyq saqtaý – paryzymyz

Oblys ortalyǵynda mun­tazdaı tazalyqty murat tutqan aksııanyń alǵashqy kezeńi meı­linshe uıymshyldyqpen ótti. Bul kúni memlekettik qyz­met­shiler, stýdentter men bilim alý­shy­lar, belsendiler men erik­tiler judyryqtaı jumylyp, shaǵyn qalanyń ishi men syrtyn tap-tuınaqtaı etip tazalady. Atalǵan aksııanyń negizgi maqsaty – ózderi turyp jatqan eldi mekendi túrli qoqystan tazartý ǵana emes, jalpy jurt, qalyń qaýymnyń boıyndaǵy ekologııalyq mádenıetti jetil­dirý.

Kókshetaý qalasynyń irge­sindegi toıǵan qozydaı tompa­ıyp jatqan Buqpa taýynyń baýraıy sońǵy kezde ybyrsyp ketip edi. Oǵan sebep kelimdi-ketim­di kisiniń kóptigi jáne olardyń tártip pen tazalyqty saqtaı bermeıtini. Uıytqyǵan jel de ıen dalada shashylyp jat­qan polıetılen paketter men qa­ǵazdardy ushyryp ákelip ja­taǵan taýdyń yǵyna shashyp tas­taıdy. Jumys jeterlik. Ta­za­laıtyn jerdiń aýmaǵy atshap­tyrym. Áıtse de, «jas kelse iske» degen emes pe, alǵashqy bet­te-aq boılarynda kúsh-qýa­ty tasyp turǵan jas tolqyn etpi­sirim ýaqyt ishinde taý baýraıyn­ jaltyratyp tazalap shyqty.

– О́z basym osyndaı ımandy sharýaǵa qatysýǵa árdaıym ázirmin, – deıdi jergilikti ýnı­versıtet stýdenti Ilııas Qa­jy­­baev, – ákem ormanshy bolǵan­dyqtan tabıǵatty tazalaý per­zent­­tik paryzymyz ekenin jas­ta­ıymyzdan kókiregimizge to­qyp óstik. Qurbylaryma da eko­lo­gııalyq mádenıetti arttyrý ma­ńyzdy ekenin únemi aıtyp otyramyn.

Aksııany ekologter men qa­lanyń turǵyn úı-kommýnal­dyq sharýashylyǵy bóliminiń qyz­met­kerleri bastady. Olar oblys ortalyǵyndaǵy eń las­tan­­ǵan jerlerdi tazartýdy qol­­ǵa aldy. Mundaı jumys tórt jer­de uıymdastyryldy. Buq­­pa taýynyń baýraıyn­da, «Alash arys­tary» saıa­ba­ǵynda, Qyl­shaqty ózeniniń jaǵalaýynda jáne Shahmet Qusa­ıynov kó­shesi boıyndaǵy jeke sektor­da tabıǵat tazalyǵy, qala kór­ki úshin tegeýirindi jumys júrgizildi. О́z ólkesiniń óńi jarqyrap jaınap turǵandyǵyn qalaıtyn oblys turǵyndary osyndaı baǵaly bastamany ile qoldap, bar kúsh-múmkindikterin ju­myl­­dyrýda. Izgi nıetti is jal­ǵasyn tapsa, Kókshetaý men Qo­rǵaljynnyń arasyndaǵy keń kósil­gen dala sáýirdiń aq jaýy­ny jýǵandaı ajarly keıipke ener edi.

KО́KShETAÝ