Otyrysty Qazaqstan Respýblıkasynyń Aýyl sharýashylyǵy mınıstri Erbol Qarashókeev ashty. Osydan keıin ol Týnıs Respýblıkasynyń Aýyl sharýashylyǵy, sý resýrstary jáne balyq sharýashylyǵy mınıstri Mahmýd Elıes Hamzege tóraǵalyqty tapsyrdy.
Ári qaraı IOFS E.P. bas dırektory Erlan Baıdáýlet Qazaqstan tóraǵalyǵynyń qorytyndysy, sondaı-aq IOFS-tiń 16 strategııalyq baǵdarlamasyn iske asyrý boıynsha jetistikterge arnalǵan prezentasııamen tanystyrdy. Sonymen qatar 5-shi IOFS Bas Assambleıasynyń mınıstrlik sessııasy barysynda ártúrli seriktestermen, sonyń ishinde Arab qurǵaq aımaqtar men qurǵaq jerlerdi zertteý ortalyǵymen (ACSAD), Týnıstiń ulttyq aýylsharýashylyq zertteýler ınstıtýtymen (INRAT), Gvıneıanyń Saýda-ónerkásip palatasymen jáne Týnıs ónerkásip, saýda jáne qolóner odaǵymen (UTICA) ortaq múdde bar salalardy zerdeleý jáne yntymaqtastyqty nyǵaıtý boıynsha ózara túsinistik týraly birqatar ekijaqty memorandýmdarǵa qol qoıyldy.
Otyrys qorytyndysy boıynsha 5 Bas Assambleıanyń qarary qabyldandy, oǵan mynadaı sheshimder kirdi: IÁU-nyń Azyq-túlik qaýipsizdigi kúnin 11 jeltoqsanda atap ótý, IOFS óńirlik keńselerin ashý, azamattyq qoǵammen tyǵyz yntymaqtastyqty keńeıtý, Tamaq ónerkásibi halyqaralyq ıslam qaýymdastyǵyn (IFPA) qaıta qurý jáne damytý, ósimdikter men janýarlardyń genetıkalyq resýrstaryn saqtaý jáne paıdalaný jónindegi yntymaqtastyqty kúsheıtý. Olar – «Almaty forýmy» deklarasııasynyń quramdas bóligi.
Sonymen qatar shara aıasynda IOFS bas dırektory Týnıs qalasyndaǵy Kram kórme ortalyǵynda ótken 14 halyqaralyq aýyl sharýashylyǵy ınvestısııalary men tehnologııalary kórmesine (SIAT) qatysty.
