Alǵash ret Astanada ótken Azııadaǵy ózara is-qımyl jáne senim sharalary jónindegi keńestiń sammıtine uıymǵa múshe memleketter, baıqaýshylar, qonaqtar, jalpy sany 50-den astam delegasııa qatysty. Onyń 12-si memleket jáne úkimet basshylary deńgeıinde boldy.
– Azııa keńesindegi eń basty qujat – «Transformasııa jónindegi Astana málimdemesi» boldy. Azııa keńesin tolyqqandy óńirlik halyqaralyq uıymǵa birtindep kezeń-kezeńmen jáne konsensýsqa negizdelgen transformasııalaýdyń qurylymdy, ınklıýzıvti jáne ashyq kelissózder prosesi bastaldy degen sóz. Aıta keteıik, Qazaqstan Prezıdenti Q.Toqaev bul týraly árdaıym aıtyp júretin. Azııa keńesiniń qazirgi erekshelikteri halyqaralyq uıymǵa uqsaıdy. О́ıtkeni basqarý organdary, atqarýshy organdary, qurylymdary bar, – dedi AО́SShK Bas hatshysy.
«Astana málimdemesinde» múshe memleketterdiń óńirdegi qaýipsizdikti nyǵaıtý jáne ekonomıkalyq ósýdi, ózara baılanysty, áleýmettik jáne mádenı damýdy qamtamasyz etý úshin birlesken jumys toptastyrylǵan, onda ár eldiń saıası erki jáne ujymdyq sheshim qamtylǵan.
– Bul málimdeme sheńberinde transformasııanyń alǵashqy qadamdary belgilendi. Osy kúnge deıin barlyq kezdesýler basqosý nemese kezdesý dep atalyp kelse, endi bul kezdesýler ınstıtýsıonaldyq dárejege kóterildi. Olar endi memleket jáne úkimet basshylary deńgeıindegi keńes, al syrtqy ister mınıstrleriniń basqosýlary syrtqy ister mınıstrleriniń keńesi dep atalady. Ekinshi ınstıtýsıonaldy sheshim – hatshylyqty basqaryp otyrǵan Atqarýshy dırektordyń mártebesi Bas hatshy mártebesine aınaldyryldy. Orta jáne uzaqmerzimdi perspektıvada múshe memleketter alǵa qoıǵan maqsattarǵa saı Azııa keńesiniń zańnamalyq jáne ákimshilik bazasyn nyǵaıtý, bıýdjettik jáne kadrlyq mehanızmderdi halyqaralyq praktıkaǵa jaqyndatý jolymen birqalypty transformasııa prosesin jalǵastyrý kózdelgen», dedi Keńestiń Bas hatshysy.
Bıyl Keńes quramy Kýveıt elimen tolyqty. Osylaısha, Azııa keńesine múshe memleket sany – 28. Al 1999 jyly olardyń sany 15 bolǵan. Bul Keńes bedeliniń artyp jatqanyn, onyń basqa memleketter úshin tartymdy ekenin kórsetip otyr degen pikirde Qaırat Sarybaı. «Byltyr Túrikmenstan Azııa keńesiniń baıqaýshy mártebesine ıe boldy. Sondaı-aq sammıt qarsańynda Azııa keńesi men Eýrazııalyq ekonomıkalyq odaq ózara áriptestik týraly memorandýmǵa qol qoıdy. Osylaısha, Azııa keńesiniń otbasy jáne halyqaralyq baılanystar jelisi ósip, jalǵasýda. Bul da tóraǵalyqtyń bir basymdyǵy», dedi Q.Sarybaı.
Azııadaǵy ózara is-qımyl jáne senim sharalary jónindegi keńeske Qazaqstan 2024 jylǵa deıin tóraǵalyq etedi.
