Imandylyq uıytqysy

«Isabek ıshan haziret» mazar kesheni – Pavlodar ob­lysyndaǵy kıeli jerler kartasyna engen 43 nysannyń biri. Kelýshilerdiń yńǵaıly ornalasýy úshin kesenege ja­qyn mańnan 24 tósektik oryn­dy zamanaýı qonaqúı salyndy. «Isabek ıshan hazi­ret» qory qamqorshylar ke­ńe­si­niń múshesi Manat Al­ǵam­­ba­rovtyń aıtýynsha, ǵı­ma­ratta 8 bólme jáne aǵartý­shy­nyń qoljazbalary qoıyl­ǵan mýzeı bar. Joba demeýshi­ler qa­­ra­­­ja­ty esebinen júzege asy­­ryldy.

Isabek ıshan haziret (1792-1871 jyldary ómir súr­gen) – din qyzmetkeri, Ihsan ilimin alǵash taratýshylar­dyń ­ur­pa­ǵy, Máshhúr Júsip Kópeı­ulynyń tálimgeri. Dinı tulǵa el arasynda qasıetimen erek­shelenip, kóripkel, tereń bi­limdi ǵalym bolǵan. Eseıe kele ákesi Murat Ishan ash­qan medresede dinı oqý oqyp, jıyrma jasynan keıin bili­min Buhara medresesinde je­tildirip kelgen. Ishan degen dinı ataqqa nebári on tórt jasynda ıe bolǵan desedi. Otyz­dan asqan shaǵynda qazirgi Aqkól-Jaıylma óńirine qo­nys aýdaryp, ómiriniń sońyna deıin osy jerdi meken etken. Onyń shapaǵatymen Baıanaýyl óńirinen ondaǵan adam HIH ǵasyrdyń ekinshi jartysynan bastap Mekkege qajylyqqa barǵan. Isabek ıshanǵa áýlıe degen ataqty halyq bergen. Sebebi talaı adamdy basy­na túsken qasiretinen aıyq­tyryp, syrqattaryn emdegen eken.

Qazirgi Ekibastuz qalasy­na qarasty Aqkól-Jaıylma óńi­rinde medrese ashyp, meshit salǵan. Zamanynda Isabek ıshannyń sharapatyn kórmegen adam kemde-kem bolypty. «Ton bolǵan toń­dyrmaıtyn jalańashqa, as bolǵan taýsylmaıtyn qarny ashqa» deıdi bul jaıynda áýlıe Máshhúr Júsip.

Qasıet ıesi 1871 jyly ómir­den ótip, Qyldykóldiń ete­ginde jerlenedi. Máshhúr Júsip Kópeıuly: «Isabekteı ıshan joq bul Arqada» dep baǵalap, ıshan dúnıeden ozǵanda 85 shýmaq, 340 joldan turatyn joqtaý óleń jazǵan.

Haziret jerlengen qo­rymdy jergilikti halyq «Atam zıraty» dep atap ket­ken. Onda kúni búginge deıin dú­nıeden ótken qoja tuqym­dary jerlendi. Isabek ıshan, inisi Muhamednııaz, balasy Nurmuhamed jatyr. Aqkól-Jaıylma óńirine tanymal Sol­tan, Áshim qojalar da osynda máńgilik tynyshtyq tapqan. 1996 jyly kóz jum­ǵan Jandarbek qojanyń beıi­ti de osynda. Atam zıratyn qo­ja­lar áýleti jergilikti halyq­tyń kómegimen kútimde ustap keledi. 2011 jyly kesene jańǵyrtyldy. Keıin munda elektr jaryǵy tartylyp, shyraqshy úıi salyndy.

Qonaqúıdiń ashylý saltanatynan soń haziret rýhyna duǵa baǵyshtalyp, as berildi.

Pavlodar oblysy,

Ekibastuz qalasy,

Aqkól-Jaıylma