Foto: primeminister.kz
Atalǵan másele boıynsha barlyq qadam men jańa tásilder aldymen qoǵamnyń talqysynan ótedi.
Osy rette qoǵamda otbasylyq-turmystyq zorlyq-zombylyqqa tózbeý atmosferasyn qalyptastyrý úshin áleýmettik jeliler men buqaralyq aqparat quraldarynyń múmkindikteri keńinen paıdalanýdy qajet etedi.
«Zorlyq-zombylyqtan zardap shekken adamdardy ońaltý máselesine kóńil bólý kerek. Olarǵa tek medısınalyq qana emes, bilikti mamandardyń psıhologııalyq, quqyqtyq kómegi de qajet. О́ńirlerde daǵdarys ortalyqtary men ýaqytsha beıimdeý mekemeleri jetispeıdi», dep atap ótti Álıhan Smaıylov.
Premer-Mınıstr osy maqsatta birqatar vedomstvo basshylaryna tapsyrma berdi.
1.Aqparat mınıstrligi turmystyq zorlyq-zombylyqqa tózbeý jáne otbasylyq qundylyqtardy dáripteý boıynsha aqparattyq naýqan júrgizýi qajet. Oqý-aǵartý mınıstrligi balalardyń boıyna otbasyna qurmet jáne úıdegi tártip erejelerin sińirý úshin «mektep saǵatyn» oılastyrýy tıis.
2.О́ńir ákimdikteri turmystyq zorlyq-zombylyq qurbandaryna arnalǵan daǵdarys jáne ýaqytsha beıimdeý ortalyqtaryn, májbúrlep emdeýge arnalǵan narkologııalyq mekemeler jelisin keńeıtý sharalaryn qabyldaýy tıis.
3.Eńbek mınıstrligi shyn máninde memlekettiń kómegine muqtaj, turmysy nashar otbasylardy medısınalyq-áleýmettik esepke alýdyń úlgilik qaǵıdalaryn ázirleýi kerek.
4.Densaýlyq saqtaý mınıstrligi ákimdiktermen birlesip májbúrlep emdeýge jiberý rásimderin jeńildetýi tıis.
