Qarjy ortalyǵynyń basshylyǵy Senat depýtattaryna AHQO Sotynyń, Halyqaralyq tórelik ortalyǵynyń, Qarjylyq qyzmetterdi retteý komıtetiniń, Ekspat-ortalyqtyń jáne AHQO bıznesti damytý tobynyń jumysy týraly aıtyp berdi.
Sonymen qatar senatorlarǵa Uıymnyń elge iri sheteldik kapıtaldy tartý, adamı áleýetti jáne kreatıvti ekonomıkany damytý jónindegi negizgi jobalary men bastamalary, sondaı-aq, AHQO ıýrısdıksııasyn odan ári damytý jónindegi ortalyqtyń qyzmeti tanystyryldy.
Máýlen Áshimbaev ulttyq ekonomıkany jáne halyqaralyq yntymaqtastyqty damytýda Qarjy ortalyǵynyń róli mańyzdy ekenin atap ótti.
«Astana» halyqaralyq qarjy ortalyǵy iri ınvestısııalar men kompanııalardy jumyldyrý, qarjy naryǵyn damytý jáne basqa da tetikter arqyly ulttyq ekonomıkanyń negizgi drvaıverleriniń birine aınalyp keledi. Búgin birqatar mańyzdy bastamalar týraly sóz boldy. Biz olardy birlesip pysyqtaýǵa, qajet bolsa, Qarjy ortalyǵynyń jumysy men bastamalaryn zańnamalyq turǵydan qamtamasyz etýge daıynbyz», degen Senat Tóraǵasy AHQO-nyń ınvestısııalyq qyzmetine jáne salyq máselelerin retteýge, sondaı-aq tıisti zańnamany jetildirý qajettiligine nazar aýdardy.
О́z kezeginde AHQO Basqarýshysy Qaırat Kelimbetov Ortalyqtyń Damý strategııasyn iske asyrýdyń nátıjelerine toqtaldy. Sondaı-aq olardy júzege asyrý jónindegi aldaǵy josparlar týraly aıtyp, Parlamentpen ózara is-qımyldy odan ári nyǵaıtý qajettigin tilge tıek etti.
Kezdesýge Parlament Senatynyń Vıse-Spıkeri Olga Perepechına, Ekonomıkalyq saıasat, ınnovasııalyq damý jáne kásipkerlik komıtetiniń tóraǵasy Dáýren Ádilbekov jáne Qarjy jáne bıýdjet komıtetiniń tóraǵasy Serikbaı Trumov qatysty.
