Syn saǵatta múdirip qalmaı shuǵyl áreket ete bilgen jannyń biri – Toqtamys aýyldyq okrýginiń turǵyny Erbol Rahın. Dala órtin sóndirýde Abaı aýdanynyń azamaty qaıtpas qaısarlyǵymen tanyldy.
Abaı oblysynyń ákimi Nurlan Uranhaev dala órtin sóndirýde kórsetken erligi úshin Erbol Rahınge «Erligi úshin» medalin tapsyrdy. «Tutqıyldan kelgen apatqa taısalmaı qarsy turyp, syn saǵatta eren erlik jasaıtyn Erbol syndy azamattar barda qandaı da bolsyn qaterge tótep beretinimizge senimdimiz. Sondyqtan sizdiń erligińiz ben otanshyldyq ustanymyńyzǵa myń alǵys», dedi N.Uranhaev.
Bıyl qyrkúıek aıynda Abaı aýdanynyń Toqtamys aýyldyq okrýginiń alqaptarynda dala órti bolyp, myń gektarǵa jýyq aýmaqty jalyn sharpyǵan edi. О́rtti sóndirýge 168 adam men 27 tehnıka jumyldyryldy. Tilsiz jaýmen kúreste Toqtamys aýylynyń turǵyndary da belsendi atsalysqan-dy.
Erbol Rahın órtpen arpalysyp júrgen kezde laýlaǵan ot jan-jaǵyn sharpyp, jalynnyń ortasynda qalyp qoıady. Jyldam áreket etý arqyly ol tótenshe oqıǵa ornynan aman shyǵady. Alaıda onyń eki qoly men tizesin kúıik shalǵan edi.
Abaı oblysy
