Eńbek jáne halyqty áleýmettik qorǵaý birinshi vıse-mınıstri Aqmádı Sarbasov Rıdder qalasynda máslıhat depýtattary, memlekettik organdar basshylary, ardagerler jáne jastar uıymdary, ÚEU ókilderi, kópbalaly analar, múgedektigi bar adamdar, áleýmettik qyzmetkerler jáne eńbek ujymdarymen kezdesýler ótkizdi.
A.Sarbasov Áleýmettik kodekste zańnamalyq deńgeıde bekitiletin azamattardy áleýmettik qoldaý sharalaryn kúsheıtý týraly egjeı-tegjeıli aıtyp berdi.
«Áleýmettik kodeks áleýmettik táýekelder týyndaǵan kezde memleket tarapynan kómekti qamtamasyz ete otyryp, azamattardy ómir boıy súıemeldeıtin bolady. Bul rette azamattardyń jekelegen osal sanattaryn qoldaýdan qazaqstandyq otbasyn nyǵaıtý men damytý úshin bazalyq jaǵdaılar jasaýǵa kóshý júzege asyrylady», dedi ol.
Birinshi vıse-mınıstr Áleýmettik kodeks jobasynda Otbasynyń sıfrlyq kartasy arqyly proaktıvti formatta áleýmettik memlekettik kepildikter berý arqyly otbasylardyń áleýmettik táýekelderiniń aldyn alý júıesin qalyptastyrý kózdelgenin aıtty.
«Sondaı-aq jumys kúshiniń kásibı daǵdylaryn kúsheıtý, ıkemdi jumyspen qamtýdyń barlyq túrlerin zańnamalyq bekitý men retteý, tehnologııalar men bilim transferti úshin bilikti kadrlardy tartý, ishki kóshi-qondy retteý, jumyspen qamtý ortalyqtaryn mansap ortalyqtaryna aınaldyrý jáne kórsetiletin qyzmetterdi aýqymdy sıfrlandyrýdy kózdeıtin jumyspen qamtý salasynda jańa saıasat qurylady», dedi A.Sarbasov.
Ol azamattardy zeınetaqymen qamsyzdandyrýdy jetildirý bıýdjetten tólenetin zeınetaqy tólemderiniń mólsherin ulǵaıtý, memleket, jumys berýshi jáne qyzmetkerdiń qatysýymen kóp deńgeıli zeınetaqy júıesin qurý esebinen júzege asyrylatynyn jetkizdi.
«Memleket basshysynyń tapsyrmalaryn oryndaý maqsatynda Áleýmettik kodeks jobasynda balaly otbasylardy qoldaý sharalaryn kúsheıtýge erekshe nazar aýdaryldy. Atap aıtqanda, memlekettik járdemaqy men Memlekettik áleýmettik saqtandyrý qorynan bala kútimi boıynsha áleýmettik tólemdi tóleý merzimi bir jarym jasqa deıin uzartylady, sondaı-aq nagradtalǵan analarǵa beriletin járdemaqy mólsheri ulǵaıtylady. Budan basqa, 2024 jyldan bastap Ulttyq qordyń jyl saıynǵy ınvestısııalyq tabysynyń 50%-yn balalar 18 jasqa tolǵanǵa deıin arnaıy jınaqtaý shottaryna aýdarymdar júrgiziletin bolady», dedi A.Sarbasov.
Birinshi vıse-mınıstrdiń aıtýynsha, Áleýmettik kodekstiń jobasynda memleket-jekemenshik áriptestik tetikteri, aýqymdy sıfrlandyrý jáne adamı faktordy tómendetý arqyly memlekettik áleýmettik qyzmetterdiń qoljetimdiligin keńeıtý esebinen áleýmettik qyzmet kórsetý júıesin jańǵyrtý (Áleýmettik qyzmetter portaly, medısınalyq-áleýmettik saraptamany syrttaı júrgizý) qarastyrylǵan.
Jumys sapary barysynda vıse-mınıstr Rıdder arnaıy áleýmettik qyzmet kórsetý ortalyǵynyń jumysymen de tanysty.
Mobıldi top aqparattyq-túsindirý jumystaryn Shyǵys Qazaqstan oblysynyń Glýbokoe aýdanynda jalǵastyrady.
