2022 jyldyń 10 aıynda óńirde ulttyq joba baǵdarlamasy aıasynda kredıtteý boıynsha 11,2 mlrd teńgege 284 sýbsıdııalaý sharty jasalǵan. 252 kásipker ulttyq joba baǵdarlamasy aıasynda qol qoıylǵan kepildik sharttarynyń 3,6 mlrd teńge somasyna kepildik aldy.
Jýyrda jýrnalıster túrli qyzmet kórsetý salalarynda bıznes-ıdeıalardy júzege asyratyn úsh kásiporynǵa baryp, kásipkerlerdiń memlekettik baǵdarlamalardy qalaı paıdalanǵandarymen tanysty. Alǵashqy sapar «Medeıa Sever» JShS boldy. Mekemede emdelýshilerge qajetti medısınalyq kómektiń barlyq keshenin zamanaýı jabdyqtarmen qamtamasyz etetin joǵary bilikti mamandar jumys isteıdi. Kompanııa 2021 jyly «Damý» qoryna ınvestısııalarǵa jeńildikti nesıe alý úshin júgingen. Jobany bankte maquldaǵannan keıin «Damý» qory jobany sýbsıdııalady. Jalpy, kredıt boıynsha syıaqy mólsherlemesi 14,75%-dy quraıdy, onyń ishinde kásipker tek 6%-yn tóleıdi, al aıyrmashylyqty «Damý» qory sýbsıdııalaıdy. Nesıe boıynsha qosymsha kepil retinde qordyń nesıe somasynyń 49% kepildigi berildi.
Al «Regıon 715» JShS mektepter men keńselerge arnalǵan zamanaýı jıhaz óndirýmen aınalysady. Kásiporyn jıhazdyń standartty emes túrlerimen, jarqyn jáne erekshe dızaınymen erekshelenedi. Mektep jıhazdarynan basqa, úı jıhazdaryn óndiredi. Sonymen qatar Loft stılindegi zamanaýı jıhazdardy da shyǵarady. 2020 jáne 2022 jyldary kásiporynnyń aınalym qarajatyn tolyqtyrýǵa arnalǵan kredıtin «Damý» qory sýbsıdııalady. Kásipker úshin mólsherleme jyldyq 6%-dy qurady, al aıyrmashylyqty «Damý» qory tóleıdi. Sondaı-aq nesıeleý baǵdarlamasy aıasynda 43% kepildik berildi. Mundaǵy qordyń maqsaty – aınalym qarajatyn tolyqtyrý.
Infografıkany jasaǵan Amangeldi Qııas, «EQ»
Úshinshi kásiporyn – «AVAGRO» JShS. Bul – Qazaqstan men Sibirdiń astyq egetin óńirlerinde joǵary tıimdilikpen jumys isteý úshin arnaıy jobalanǵan, aýyl sharýashylyǵy shtangalyq búrikkishterin shyǵarýǵa mamandanǵan óndiristik kompanııa. О́ndiristik ónimniń negizgi túrlerine syıymdylyǵy 2 500 lıtr bolatyn AVAGRO-tt25xx tıpti tirkeme búrikkishter, syıymdylyǵy 4 myń lıtrlik AVAGRO-tt40xx tıpti tirkeme búrikkishter jáne GAZ-66, «Sadko», KamAZ jáne t.b. avtomobılder bazasyndaǵy syıymdylyǵy 2 500 lıtr bolatyn AVAGRO-MK25hh tıpti ózdiginen júretin búrikkishter jatady.
«Damý» kásipkerlikti damytý qory» AQ – kásipkerlikti qoldaý sharalarynyń negizgi operatory jáne ıntegratory. Qordyń baǵdarlamalary 3 negizgi baǵyt boıynsha iske asady: kásipkerler úshin qarjylandyrý kólemin ulǵaıtý jáne qoljetimdiligin arttyrý; kásipkerlikti ártaraptandyrýǵa jáne onyń ındýstrııalyq-ınnovasııalyq damýyna járdemdesý. Sondaı-aq isin jańa bastaǵan kásipkerlerdi oqytý jáne ShOB kásiporyndarynyń top-menedjmenti, sheteldik taǵylymdamalar, servıstik jáne aqparattyq qoldaý negizinde ShOB sýbektileriniń kásibıligin arttyrý.
«Damý» qorynyń baǵdarlamasy boıynsha 544 jobaǵa 5,56 mlrd teńge bólse, onyń ishinde 422 jobaǵa mıkrokredıt boıynsha 2,5 mlrd teńge kepildeme bólindi. Ishinara kepildik berý sharttary boıynsha kásipkerler qarjylaı qamtamasyz etý jetispegen jaǵdaıda qajetti jobalyq somaǵa deıin qosymsha qarjylandyrýǵa nemese «Damý» qorynyń kepildigi esebinen qaryz somasyn ulǵaıtýǵa múmkindigi bar.
PETROPAVL
