Salystyrmaly túrde aıta ketsek, osydan eki jyldan astam ýaqyt buryn 595 biliktilik boıynsha syrttaı bilim alýǵa bolsa, endi oqytýdyń bul túri stýdentterge sapaly mashyqtardy, daǵdylardy bere almaıdy. О́ıtkeni oǵan túlekter oqýdy bitirgennen keıin praktıkalyq bilimniń jetispeýshiligimen jıi kezdesip, jumys taba almaı jatatyndyǵy negiz bolǵan. Osyǵan baılanysty mınıstrlik syrttaı oqýdaǵy mamandyqtardy qysqartý boıynsha jumysty kezeń-kezeńimen júrgizýdi qolǵa alyp otyr. Atap aıtqanda, bul joly «Radıoelektrondy kólik quraldaryn paıdalaný jáne tehnıkalyq qyzmet kórsetý (kólik túri boıynsha)», «Tehnık-elektronık», «Tehnık-tehnolog», «Paıdaly qazbalardy óńdeý (kómir daıyndaý)», «Tehnık-qurylysshy», «Qalalyq kommýnıkasııalardy salý jáne paıdalaný», «Tazalaý qurylystarynyń tehnologi», «Sýmen jabdyqtaý jáne sý burý júıelerin tazartý qurylystaryn paıdalaný» jáne t.b. biliktilikter boıynsha syrttaı oqytý alynyp tastaldy.
«Búgingi tańda qazaqstandyq kolledjderde kadrlardy daıarlaýda dýaldy oqytý túri belsendi túrde damyp keledi. Iаǵnı kadr daıarlaýda kolledjder iri kásiporyndarmen, bıznespen tyǵyz baılanysta jumys isteıdi. О́ıtkeni olarǵa qandaı mamandar qajet ekenin eńbek naryǵy anyqtaıdy. Sondyqtan biz syrttaı oqý túrinen belsendi túrde alshaqtap jatyrmyz jáne mundaı sheshim qabyldaýǵa túlekterdiń oqýdy bitirgennen keıin alatyn bilim men daǵdylardyń sapasynyń jetkiliksizdigi sebep boldy. Biz muny kezeń-kezeńimen júrgizip jatyrmyz jáne bul jumys áli de jalǵasyn tabady. Dýaldy oqytý kezinde óndiristik oqytý men kásiptik praktıkanyń keminde 60%-y qamtamasyz etiletinin, osylaısha stýdentterdiń oqý ýaqytynyń jartysynan kóbi óndiriste bolatynyn atap ótemin. Bul tásil bolashaq túlekterdiń bilim sapasy men biliktiligin arttyrady jáne olardyń ári qaraı jumysqa ornalasýyn qamtamasyz etedi», dedi Oqý-aǵartý mınıstrligi Tehnıkalyq jáne kásiptik bilim departamenti dırektorynyń mindetin atqarýshy Ernat Júnisov.
