«О́tken aptada Astanada birqatar iri halyqaralyq is-shara ótti. Qazaqstan taǵy da jahandyq dıalogtyń ortalyǵyna aınaldy. Bul tikeleı bizdiń dáıekti jáne teńgerimdi syrtqy saıasatymyzdyń nátıjesi.
Bizdiń elimiz beıbitshilik, yntymaqtastyq jáne ózara senim qundylyqtaryn dáıekti jáne tıimdi ilgeriletýde. Sondyqtan Qazaqstan ózin ozyq ári jaýapty memleket retinde kórsete otyryp, joǵary halyqaralyq bedelge ıe boldy. Strategııalyq baǵytty ustana otyryp, biz aldaǵy ýaqytta da elimiz ben halqymyzdyń uzaq merzimdi múddelerin pragmatıkalyq turǵydan basshylyqqa alýymyz kerek», dedi Prezıdent.
Sondaı-aq Qasym-Jomart Toqaev Qazaqstannyń táýelsiz memleket retindegi ustanymy álemge belgili bolý kerek ekenin atap ótti.
«Qazirgi jahandyq álemde belsendi syrtqy saıasatsyz tabysty damý múmkin emes. Qazaqstannyń táýelsiz memleket retindegi ustanymy álemge belgili bolýy kerek, bizdiń daýysymyz búkil halyqaralyq qaýymdastyqqa tanylýy tıis», dedi Memleket basshysy.
