Komıtet tóraǵasy Vladımır Volkov otyrysty asha kelip, zańnamany jaqsartý máseleleri elimizdiń azamattarynyń konstıtýsııalyq quqyqtaryna tikeleı qatysty ekenin atap ótti.
«Qylmystyq, qylmystyq is júrgizý zańnamasyn jetildirý aıasynda jeke adamnyń quqyqtaryn qorǵaýdy kúsheıtý týraly, esirtkige baılanysty, jeke adam men menshikke qarsy qylmystar jáne basqa da aýyr qylmystar úshin jaýapkershilikti qatańdatýǵa baǵyttalǵan zańdar qabyldandy. Sondaı-aq qylmystyq prosestegi úsh býyndy úlginiń tartymdy tustary bar», dedi ol.
Vladımır Volkov Senattyń sot júıesin jetildirý jónindegi júrgizip jatqan jumysy týraly kezdesýge qatysýshylarǵa aıtyp berdi, onyń qorytyndysy boıynsha tıisti zań jobalary ázirlenedi.
Otyrys barysynda qala ákimi Murat Áıtenov sóz alyp, óz oılaryn ortaǵa saldy. Ol kóshpeli otyrysty Shymkentte ótkizýdiń mańyzdylyǵyn atap ótti jáne ótkizilip jatqan saraptamalyq talqylaýdyń jáne jaǵdaıdy «jergilikti jerlerde» zerdeleýdiń nátıjeli bolatynyna senim bildirdi.
Elimizdiń Bas prokýrorynyń orynbasary Áset Chındalıev óz kezeginde Bas prokýratýranyń qylmystyq zańnamany ońtaılandyrý jóninde júrgizgen jumysynyń qorytyndysy men Qylmystyq-prosestik jáne Qylmystyq-atqarý kodeksterin bir mezgilde túzete otyryp, qylmystyq zańnamany ońtaılandyrý máseleleri boıynsha ázirlengen zań jobasy týraly depýtattarǵa aıtyp berdi.
Shara barysynda Ishki ister mınıstrliginiń, Sybaılas jemqorlyqqa qarsy is-qımyl agenttiginiń, Shymkent qalasy sotynyń qylmystyq ister jónindegi sot alqasynyń ókilderi de baıandama jasady.
Senatorlar sonymen qatar qalalyq máslıhat depýtattarymen, jergilikti polısııa departamentiniń qyzmetkerlerimen kezdesý ótkizdi jáne qalalyq sotta boldy, medıasııa ortalyǵynyń qyzmetimen, sondaı-aq bas bostandyǵynan aıyrý oryndaryndaǵy sottalǵandardy ustaý sharttarymen tanysty.
