Qoǵamdyq qor ókilderiniń aıtýynsha, munda ǵylymmen dáleldengen, eń tıimdi, zamanaýı ádistemeler qoldanylady jáne arnaıy daıarlyqtan ótken mamandar jumys isteıdi. Erekshe balǵyndardyń ata-analaryna da psıhologııalyq qoldaý kórsetiledi. Qazir ortalyqta 100-den astam aýtıst bala em alyp jatyr.
– Bizdiń ortalyq aýtızmmen aýyratyn balalarǵa arnalǵan. Ortalyqta logoped-defektolog, psıholog, art-terapııa, flortaım, tuz shahtasy, qum terapııasy, AVA terapııa, ıoga terapııa baǵytynda jumys isteıdi. 1,5 jastan 18 jasqa deıingi balalarǵa tegin kómek kórsetiledi. Bizdiń basty maqsatymyz – qoǵam nazaryn aýtızm problemasyna aýdarý, osyndaı balalar men olardyń ata-analaryna qurmetpen qaraýdy qalyptastyrý. Halyq aýtızm týraly múldem habarsyz, adamdar onyń aýrý emestigin, ony túzeýge bolatynyn bilmeıdi. Mundaı balalar kez kelgen salada jetistikke jete alady, óz eliniń ıgiligi úshin eńbek etedi, olar úshin ózderin túsinbeıtin qoǵamda bolý asa qıyn, –
deıdi «Altyn uıa – erkele» qoǵamdyq qorynyń tóraıymy Aınur Solotova.
