Kesh «О́miri ónegeli ustaz» kórmesinen bastaý alyp, úlken sahnada ustazdyń aǵartýshylyq jolyn baıandaıtyn beınefılmmen jalǵasty. Keshti aıtysker aqyn, mádenıet salasynyń úzdigi, fılologııa ǵylymdarynyń kandıdaty Anar Japparqulova júrgizdi. Keshti ashqan aýdan ákimi S.Sultanhanov aýdan turǵyndaryn 25 qazan – Respýblıka kúnimen quttyqtaı kelip, ómirin aǵartý salasyna arnaǵan ustazdyń ónegeli isteri urpaqqa úlgi ekenin jetkizip, mereıtoı ıesine aýdan halqynyń ystyq yqylasyn jetkizdi. Sháýildir aýyldyq ardagerler keńesiniń tóraǵasy M.Temirbek, aqyn B.Sultaev ta quttyqtaý sóz sóılep, ustazǵa syı-syıapattaryn jasap, qurmet kórsetti.
Sondaı-aq J.Nálibaevanyń áli sııasy keppegen «Tilashar» atty jańa kitabynyń tusaýkecer rásimi jasaldy. Jas aqyn Ahmetrasýl Baıanbaı apasyna degen arnaý óleńin oqysa, aıtysker aqyndar D.Aqsaqalov pen D.Polatbaev aıtysyp, kópshiliktiń qoshemetine bólendi. Kesh barysynda Jumagúl apaıdyń baýyry, sozaqtyq Jaısańbaı Baıbatyr «Súgirdiń termesin» naqyshyna keltire oryndasa, búginde elimizdiń túkpir-túkpirinde túrli salada qyzmet etip júrgen Serik Seıitman, Nartaı Súleımenov, Meıramkúl Qurmanalıeva bastaǵan bir top shákirti ustazdaryn arnaıy quttyqtap, júrekjardy aq tilekteri men ystyq yqylastaryn bildirdi. Sonymen qatar ustazymyzdyń ul-qyzdary men nemereleri de quttyqtaý sóz sóılep, arnaý óleńderin oqydy.
Kesh sońynda mereıtoı ıesi aýdan ákimdigine, mádenıet bólimi men uıymdastyrýshylarǵa jáne qoshemet kórsetip otyrǵan barsha kórermenge alǵysyn bildirdi.
Anar JAPPARQULOVA,
Ál-Farabı atyndaǵy Shymkent qalalyq ǵylymı-ámbebap kitaphanasynyń dırektory
