Qazaqstan fýtbol federasııasynyń habarlaýynsha, Sultan Ábenov Qyzylorda fýtbol mektebiniń túlegi. Alǵash ret 17 jasynda «Avtomobılıst» komandasynyń sapynda jasyl alańda jarqyldap, jankúıerlerdiń júregin jaýlaǵan.
Sultan Murashuly qyzylordalyq komandanyń qatarynda KSRO chempıonatynda 100-den astam oıyn ótkizip, 33 gol soqty. Sonymen qatar almatylyq «Qaırattyń» sapynda oınady.
Oıyn mansabyn aıaqtaǵan soń «Qaırat» komandasyn basqardy. Ári qaraı partııa men dıplomatııa qyzmetine aýysyp, ár jyldary QR Premer-Mınıstriniń keńesshisi, QR Parlament Májilis apparaty jetekshisiniń orynbasary, QR Prezıdent ákimshiliginde qyzmet atqarǵan.
