Respýblıkada uzyndyǵy 21,5 myń shaqyrymǵa jýyq 3,5 myń magıstraldyq kanal bar. Onyń 11,9 myń shaqyrymy qanaǵattanarlyqsyz jaǵdaıda. Búginde olardy qaıta qurý boıynsha josparly jumystar júrgizilip jatyr.
«Máselen, 2021 jylǵa deıin 5,6 myń km kanal qaıta jańartyldy. 2025 jylǵa deıin qalǵan 6,4 myń km kanaldy qaıta jańartý kózdelgen. Nátıjesinde sýdyń joǵalýy 1,7 km3 azaıady. Bógetterdiń tozýy máselesin sheshý boıynsha da jumystar qolǵa alyndy. 2017 jyldyń basynda elde 41 apattyq sý qoımasy boldy. Sońǵy 5 jylda 16-sy jóndeýden ótti. Bıyl taǵy 6 nysan qalpyna keltiriledi, al 2025 jylǵa qaraı qalǵan 19 sý qoımasyn qaıta jańartý josparlanýda. Bul shamamen 800 mln m3 sýdy únemdeýge múmkindik beredi», dedi vedomstvo basshysy.
