Ulttyq ekonomıka mınıstri Álibek Qýantyrovtyń habarlamasynda esepti kezeńde respýblıka ekonomıkasynyń ósý qarqyny 2,8%-dy quraǵany aıtyldy. Salalar arasynda aýyl sharýashylyǵy – 6,9%, aqparat jáne baılanys – 6,7%, qurylys – 5,1%, kólik jáne qoımalaý – 4,8%, óńdeý ónerkásibi – 4,6%, saýda – 4,3% jáne taý-ken ónerkásibi 0,1%-ǵa artyp, oń dınamıka kórsetken.
Toǵyz aıdy saralaǵan mınıstr Qyzylorda oblysy negizgi kapıtalǵa salynǵan ınvestısııa boıynsha joǵary ósim kórsetkenin atap ótti. Esepti kezeńde ınvestısııa tartý kólemin 24%-ǵa ulǵaıtqan oblys respýblıkada kósh basynda tur.
«О́ńirler arasynda eń joǵary kórsetkish Qyzylorda, Almaty jáne Aqmola oblystary men Almaty, Shymkent qalalarynda baıqaldy», dedi Á.Qýantyrov.
Esepti kezeńde óńirde qurylys jumystarynyń kólemi – 35,1%, ınvestısııa tartý – 24,%, paıdalanýǵa berilgen turǵyn úıler kólemi – 3,5 % jáne saýda kólemi 2,3 paıyzǵa ulǵaıǵan. Bul óńirde qolǵa alynǵan bastamalardyń nátıjeliligin kórsetedi.
Úkimet otyrysynda berilgen shaǵyn jáne orta bıznesti damytý úshin qolaıly jaǵdaı jasaý, kásipkerlik bastamalardy qoldaý, jańa jumys oryndaryn qurýdy yntalandyrý boıynsha naqty sharalardy pysyqtaý, sondaı-aq bıýdjetten qarjylandyrylatyn ınvestısııalyq jáne ınfraqurylymdyq jobalar boıynsha qarajatty tolyq ári tıimdi ıgerýdi qamtamasyz etý tapsyrmasyna oraı oblys ákimi Nurlybek Nálibaev jıyn ótkizip, aımaqta munaı óndirisi azaıýy saldarynan tómendegen ónerkásip salasynan bólek makroekonomıkalyq ósim qalyptasqanyn atap ótti.
Bıyl 9 aı ishinde nebári 3 mln tonna munaı óndirilgen. Bul ótken jyldyń osy kezeńimen salystyrǵanda 191,8 myń tonnaǵa az. Jyl saıyn qory sarqylyp kele jatqan «qara altynǵa» baılanyp qalmaı, ekonomıkany ártaraptandyrý baǵytyndaǵy bastamalar nátıjesinde osy kezeń aralyǵynda óńdeý ónerkásibindegi ósim 8,6 paıyzdy qurady. Jyl sońyna deıin oblystyń iri kásiporyndary óndiris kólemin arttyra túsedi.
О́ńirde ýran óńdeýmen aınalysatyn «Baıken-Ý» JShS – 15 %, as tuzyn óndiretin «Araltuz» AQ – 50 %, munaı salasyna qajetti polıetılendi qubyrlar shyǵaratyn «KNK Kemıkal» JShS ónim kólemin 60 paıyzǵa ulǵaıtpaqshy.
О́ńdeý salasyn damytýǵa baǵyttalǵan Indýstrııalandyrý baǵdarlamasynyń úshinshi besjyldyǵy aıasynda óńirde jalpy quny 654 mlrd teńge bolatyn 46 joba boıynsha jumys júrgiziledi.
Oblys basshysy qala ákimi Asylbek Shámenovke kásipkerlik jáne ónerkásip basqarmasy men statıstıka departamentimen birlesip óndeý ónerkásibi baǵytynda jyl qorytyndysynda mejeli kórsetkishterge jetý úshin jumys júrgizýdi tapsyrdy. Sondaı-aq aýyl sharýashylyǵy óniminiń naqty kólemi boıynsha Jalaǵash aýdanynyń ákimi Asqarbek Esjanovqa da tıisti mindet júkteldi.
Jıyn sońynda óńir basshysy barlyq ındıkatorlyq kórsetkishti joǵary deńgeıde ustap, kásipkerlik nysandar ashý arqyly halyq tabysyn kóbeıtý, jańa jobalardy damytyp, ınvestısııa tartý qarqynyn áli de kúsheıtý qajet ekenin eske salyp, qala, aýdan ákimderi men basqarma basshylaryna birqatar naqty tapsyrma berdi.
Qyzylorda oblysy
