«Búgin biz Sizdermen ulttyq merekemiz Respýblıka kúni qarsańynda «Stepnoı» kentinde paıdalanýǵa berilip otyrǵan 300 oryndyq jańa mekteptiń ashylý saltanatynyń kýási bolyp otyrmyz. Oqýshy oryndarynyń tapshylyǵyn qysqartý maqsatynda aǵymdaǵy jyly 1500 oryndyq 2 mektep ashyldy», dedi qala ákimi.
Jańa mekteptiń ashylýy - Stepnoı kenti oqýshylary úshin úlken qýanysh. Atalǵan oqý ornynda osy kentte turatyn №10, № 11, № 22, №39 jáne qala ortalyǵynda ornalasqan basqa da mektepterde bilim alyp júrgen oqýshylar oqıtyn bolady. Mekteptiń oqý bólmeleri sanıtarlyq - gıgıenalyq talapqa saı. Mektep sport zaly - 1, 108 orynǵa arnalǵan ashana, 100 orynǵa arnalǵan akt zaly, zerthana kabınetteri men sheberhana jańa modıfıkasııadaǵy kabınettermen jabdyqtalǵan. Balalardyń qaýipsizdigi maqsatynda arnaıy 24 ishki jáne 15 syrtqy beınebaqylaý kameralary ornatylǵan.
