Onyń aıtýynsha, jyl basynan beri Qazaqstanda 7,7 myń sábı dúnıege kelgen. 2022 jyldyń 9 aıynyń qorytyndysy boıynsha Qostanaı oblysynda ana ólimi tirkelgen joq. Degenmen, sábı ólimi ósken.
«О́ńirde shala týylǵan nárestelerge kómek kórsetý sapasyn arttyrý, patologııasy bar balalardy erte anyqtaý syndy shuǵyl sheshimderdi qajet etetin birqatar mindet bar. Taǵy bir másele – sábıler óliminiń ósýi. Qostanaı oblysynda aǵymdaǵy jyldyń 8 aıynyń qorytyndysy boıynsha kórsetkishtiń 25%-ǵa artqany baıqalady», dedi A.Ǵınııat.
Mınıstrdiń aıtýynsha, náreste óliminiń negizgi sebepteri perınataldyq kezeńde paıda bolǵan sebepter, sondaı-aq týa bitken aqaýlar, úshinshiden juqpaly jáne parazıttik aýrýlar.
A.Ǵınııat 2021 jyly Qazaqstanda 2026 jylǵa deıin EKO-ǵa 7 myń kvota bólýdi qarastyratyn «Ańsaǵan Sábı» arnaıy baǵdarlamasy iske qosylǵanyn eske saldy. Osy baǵdarlama aıasynda ótken jyly Qostanaı oblysyna 205 kvota bólinip, nátıjesinde 111 áıel júkti bolǵan. Bıyl oblysqa 255 kvota berilse, qazir 65 áıel júkti bolǵan.
Sondaı-aq elde 10 perınataldyq ortalyq, onyń ishinde Qostanaı oblysynda bireýin salý josparlanýda.
