Ortalyq saılaý komıssııasynyń kúntizbelik josparyna sáıkes, Prezıdenttikke kandıdattardy usyný 23 qyrkúıek pen 21 qazan aralyǵynda ótti.
Saılaýaldy úgit-nasıhat jumysy búgin saǵat 18:00-de bastaldy. Bul naýqan 28 kúnge sozylady.
Eske sala keteıik, 12 qazanda Qazaqstan Respýblıkasynyń Ortalyq saılaý komıssııasy qazirgi Memleket basshysy Qasym-Jomart Toqaevty Qazaqstan Respýblıkasy Prezıdenttigine kandıdat retinde tirkedi.
Keıin «Qazaqstan kásipodaqtary dostastyǵy» «Amanat» respýblıkalyq qoǵamdyq uıymynan Meıram Qajyken Prezıdenttikke kandıdat bolyp tirkeldi.
17 qazanda OSK «Aýyl» halyqtyq-demokratııalyq patrıottyq partııasynan Qazaqstan Respýblıkasy Prezıdenttigine kandıdat retinde usynylǵan Jıgýlı Daırabaevty tirkedi.
Prezıdenttikke tirkelgen tórtinshi úmitker qoǵam qaıratkeri, Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń múshesi Qaraqat Ábden «Ulttyq kásipqoılar alıansy» ÚEU-dan Qazaqstan Respýblıkasy Prezıdenttigine kandıdat retinde usynyldy.
20 qazanda Qazaqstan Respýblıkasynyń Ortalyq saılaý komıssııasy Saltanat Tursynbekovany Qazaqstan Respýblıkasy Prezıdenttigine kandıdat retinde tirkedi.
Sol kúni Jalpyulttyq sosıal-demokratııalyq partııadan QR Prezıdenttigine kandıdat bolyp Nurlan Áýesbaev usynyldy.
Aıta keteıik, Prezıdent saılaýy 20 qarashaǵa belgilendi.
