Respýblıkalyq qoǵamdyq shtabtyń quramyna úsh parlamenttik saıası partııa men 22 respýblıkalyq qoǵamdyq uıymnan turatyn Halyq koalısııasynyń ókilderi kirdi.
Búginde «Halyq koalısııasy» belsendileri elimizdiń barlyq óńirlerinde úgit-nasıhat jumystaryn júrgizip, baspa ónimderin taratý jáne buqaralyq aqparat quraldary men áleýmettik jelilerde aqparattyq materıaldardy ornalastyrý jumystaryn bastady.
Aıta keteıik, erteń Respýblıkalyq qoǵamdyq shtabtyń alǵashqy otyrysy ótedi.
Kandıdat Qasym-Jomart Toqaevty qoldaý jónindegi respýblıkalyq qoǵamdyq shtab áleýmettik jelilerde de paraqshalar ashty, onda shtabtyń qyzmeti, saılaýshylarmen kezdesýleri týraly barlyq aqparat jáne basqa da úgit materıaldary ornalastyrylady.
Eske sala keteıik, búgin Qazaqstan Respýblıkasy Prezıdenttigine kandıdattardy tirkeý aıaqtaldy. Elimizde Qazaqstan prezıdenttigine úmitkerlerdiń saılaýaldy úgit-nasıhat jumystary bastaldy.
