«Qazaqstan Respýblıkasy Prezıdenttigine kandıdat Qaraqat Ábdenniń shtaby iske qosyldy. Aldymen uıymdastyrý komıtetiniń otyrysyn ótkizdik. Buıryqtar berildi. Elimizdiń 20 óńirinde shtabymyz jumysqa daıyn. Barlyq daıyndyq jumystary júrgizildi. Úgit materıaldaryn daıyndaý. Qazir Astanadaǵy shtabta 10-ǵa jýyq adam jumys isteıdi», dedi shtab basshysynyń orynbasary Berik Tórebekov.
Úmitker Qaraqat Ábdendi qoldaý shtaby resmı saıt ashty. Áleýmettik jelilerde akkaýnttar jumys isteıdi, onda shtabtyń ótkizgen is-sharalary, saılaýshylarmen kezdesýler jáne basqa da úgit materıaldary týraly barlyq aqparat ornalastyrylady.
