Sportty damytý dıreksııasynyń málimetinshe, ala taqııaly aǵaıyndardyń elinde ótken jarysta Qazaqstan ulttyq quramasynyń sportshylary 4 altyn, 1 kúmis jáne 2 qola medal oljalaǵan. Atap aıtqanda, erler sapynda juptyq saıysta óner kórsetken Nazar Jantasov pen Aısultan Saǵynbek juby, qyzdar arasynda Valerııa Mýravkına men Anjelıka Boboshko juby óz baǵdarlamalarynda týrnır jeńimpazy atansa, aralas dýette Alısa Kotova men Rýslan Meleshko juby top jardy. Sondaı-aq Adel Birjanova, Polına Kýznesova, Mılana Bıkbaeva úshtigi de altynnan alqa taqty.
Al Dmıtrıı Fedkovıch pen Karına Chýbchenko aralas baǵdarlamada otandastaryna jol berip, kúmis júldege ıe boldy. Rýslan Áýbákirov men Zlata Bogýnova jáne Illarıon Masymoha men Polına Olenchýk aralas sanatta úzdik úshtikten kórindi.
Aıta keteıik, halyqaralyq týrnırde Qazaqstan, О́zbekstan, Germanııa men Reseıdiń 100-den astam úzdik gımnasshysy úsh jas sanatynda sheberlik baıqasty.
