1990 jyly qazan aıynyń 25-i kúni Qazaq KSR Joǵarǵy Keńesiniń sheshimimen «Qaz KSR-niń memlekettik egemendigi týraly» qabyldanǵan Deklarasııa elimizdiń naǵyz táýelsizdigine aparatyn quqyqtyq bastamasy, el táýelsizdiginiń irgetasy boldy. 2022 jylǵy 16 maýsymynda Memleket basshysy Qasym-Jomart Toqaevtyń Ulttyq quryltaıdyń I otyrysynda Respýblıka kúnine ulttyq mereke mártebesin qaıtarýdy usyndy jáne ol elimizdiń basty merekesi retinde atap ótilýi qajet dep aıtty.
Qazaqstan Respýblıkasy Prezıdenti janyndaǵy Memlekettik basqarý akademııasynyń uıymdastyrýymen «Egemendik – el tiregi» atty dóńgelek ústelde Respýblıka kúni merekesiniń mańyzy aıtyldy. Májilis barysynda tarıhı kúnge qatysty kelesi mańyzdy máseleler talqylandy: Egemendiktiń tarıhy, elimizdiń áleýmettik-saıası jaǵdaıy, egemendiktiń alǵashqy jarshysy bola bilgen Respýblıka kúnin ulyqtaý maqsaty, tarıhı qujat bolyp esepteletin elimizdiń Deklarasııasyna anyqtama tolyqtaı sıpattaldy.
Jıynda Qazaqstan Respýblıkasy Memlekettik qyzmet isteri agenttiginiń tóraǵasy Darhan Medeǵalıuly Jazyqbaev, 1992-1993 jyldary Qazaqstan Respýblıkasy Ulttyq banki Basqarmasynyń tóraǵasy bolyp qyzmet atqaryp, teńgeni engizýge tikeleı qatysqan Ǵalym Baınazaruly Baınazarov, Qazaqstannyń sot júıesin jáne quqyqtyq qorǵaý salasyn jetildirýge at salysqan Serik Baıseıituly Aqylbaı, Ulttyq qaýipsizdik organdarynda kóp jyl jumys istegen general-maıor Erjan Bekbaýuly Isaqulov, memlekettik qyzmet salasyn qalyptastyrý jáne jetildirý isinde qyzmet istep júrgen Astana memlekettik qyzmet haby Basqarýshy komıtetiniń tóraǵasy Álıhan Muhamedııauly Baımenov mazmundy baıandama jasady.
Májilis sońynda Respýblıka kúni ıdeologııasynyń negizinde birigý prınsıpi bar, bul kúndi merekeleý birlik pen tatý kórshilik qundylyqtaryn nyǵaıtýǵa barynsha yqpal etýi tıis sekildi mańyzdy oılar aıtyldy. Elimizdiń órkendeýi úshin memlekettik qyzmetshilerdiń joǵary kásibıliligimen qatar otandy súıý, halyqqa adal qyzmet etý, memleketshil bolý kerek.
