«Bir jarym aı buryn tutanǵan órt óńirimiz úshin aýyr synaq boldy. Jan túrshigerlik órt orman men 91 úıdi sharpydy. Bizdiń basty mindetimiz ınfraqurylymdy qalpyna keltirip, adamdardy ádettegi ómirine qaıtarý boldy», dedi aımaq basshysy Arhımed Muhambetov.
Qurylysys jumystary táýlik boıy júrgizildi. Jańa úılerdi 12 merdiger nebári bir jarym aıdyń ishinde salyp berdi.
«Az ýaqyt ishinde Birlik sımvoldyq ataýymen birtutas arhıtektýralyq úlgide 91 sapaly úı salyndy. Ár úı 4 bólmeli, jalpy aýdany 100 sharshy metrdi quraıdy», dep qosty A.Muhambetov.
О́rt 2 qyrkúıek kúni saǵat 15:10-da Áýlıekól aýdanyna qarasty Basaman jáne Semıozernyı orman sharýashylyǵy aýdanynda bastalǵan. О́rt bastalǵannan beri jalpy 43 myń gektar jerdi aldy. Sondaı-aq eldi mekenderdegi 91 úıdi sharpydy.
Qurylys jumystary úı órti týraly habarlama túskennen keıin birden bastaldy. Sondaı-aq órtten zardap shekkenderge baspana kezeginde turǵany úshin mıllıon teńge kóleminde ótemaqy tólendi.
