Mınıstr Darhan Qydyráli áriptesterin quttyqtap, bul kúnniń mańyzdylyǵyna toqtaldy.
«Bul – elimizdiń memleket qurý jolyndaǵy eń alǵashqy taǵdyrsheshti qadamy jasalyp, egemendigimizdiń irgetasy qalanǵan kún. Sondyqtan táýelsizdik tarıhyndaǵy tańbaly datany qaıtadan atap ótýimizdiń óz jóni bar. Qazirgideı syndarly kezeńde judyryqtaı jumylyp, memleketimizdiń múddesi úshin birlese qyzmet ete beremiz dep senemin», dedi mınıstr.
Is-shara barysynda Qazaqstan musylmandar dinı basqarmasynyń tóraǵasy Naýryzbaı qajy Taǵanulyna «Parasat» jáne «Egemen Qazaqstan» gazetiniń jaýapty hatshysynyń orynbasary Amangeldi Qııasqa «Qurmet» ordeni tabystaldy. Sondaı-aq birqatar sala qyzmetkerine «Eren eńbegi úshin», «Shapaǵat» medali, «Aqparat salasynyń úzdigi» tósbelgisi jáne basqa da marapattar berildi.
Aıta keteıik, «Aqparat salasynyń úzdigi» tósbelgisimen marapattalǵandar arasynda «Egemen Qazaqstan» gazetiniń tilshisi Nazerke Jumabaı da bar.
