Fýtbol. Chempıondar lıgasy. «Real» (Madrıd) – «Atletıko» (Madrıd) 4:1

ASTANA. 25 mamyr. Keshe túnde Portýgalııanyń astanasy – Lıssabon qalasynda Ispanııanyń Madrıdiniń  «Real» jáne «Atletıko» komandalary  Chempıondar lıgasynyń fınalynda kezdesip, bulardyń aldyńǵysy 4:1 etip utyp shyqty. Bul týraly Chempıon.Rý habarlady. Asa tartysty ótken matchtyń 36-mınýtynda «Real» qaqpashysy Iker Kasılıastyń alǵa shyǵyp ketkenin jaqsy paıdalanǵan «Atletıko» jartylaı qorǵaýshysy Dıego Godın basymen alystan uryp, birinshi goldy túsirdi. Osy arqyly oıynǵa maı quıyldy. Esep bulaı qala berse, ózderiniń utylyp qalýlary ábden múmkin ekenderin sezingen realdyqtar aqyrynda keń kólemdi shabýylǵa kóshti. Biraq qarsylastar qaqpasyn alý ýaqyt uzaǵan saıyn qıyndaı berdi. Krıshtıaný Ronaldý bastaǵan «Real» fýtbolshylaryna razy bolatynyń, olar soǵan qaramastan, alǵa qaraı órshelene umtylyp, qarsylastar qaqpasynan sańylaý izdeýlerin toqtatqan joq. Osyndaı ústin-ústine jasalǵan joıqyn shabýyl negizgi ýaqytqa qosylǵan 3-mınýtta ǵana óz nátıjesine jetkizdi. Áýeli Lýka Modrıch buryshtama berdi. Ony áýeletip jibergen dobyn Serhıo Ramos basymen uryp, qaqpashy Tıbo Kýrtýanyń tý syrtynan bir-aq shyǵardy – 1:1! Osydan keıin qosymsha eki taımǵa kezek keldi. Ol jurtshylyq kútkendegideı ssenarıı boıynsha órbidi. Sońǵy goldan úlken qýat alǵan Karlo Anchelottıdiń jigitteri taǵy da alǵa qaraı jóńkile shapty. Bul joly olar atqanyn qur jibergen joq. Sóıtip, Garet Beıl (110). Marselo (118), Krıshtıaný Ronaldý (120-penaltı) sekildi oıynshylar soqqan goldardyń arqasynda «Real» esepti 4:1-ge jetkizip, bir-aq toqtady. Damır Qojamqul. Derekkóz: Chempıon.Rý. Foto: Chempıon.Rý.