Jıgýlı Daırabaev kezdesý barysynda aýyl sharýashylyǵy óndirýshileri úshin qarjylandyrýdyń, jer jáne tehnıkalyq resýrstardyń qoljetimdiligi máselelerin qozǵady. Túrkistan oblysy fermerlerdiń kóp shoǵyrlanýymen jáne AО́K qurylymyndaǵy úı sharýashylyqtary úlesimen erekshelenetindikten, atalǵan problemalar óńir úshin óte ózekti.
«Shaǵyn sharýalar kooperasııasy máseleleriniń sheshilý deńgeıi tómen, jer úleskerleri men shartty jer úlesterine ıelik etýshiler arasynda daý jıi týyndap turady. Men saılaýaldy baǵdarlamamda osy máselelerdi sheshýdiń jeke baǵytyn belgiledim. Agrobıznes qurǵysy jáne agrarlyq salany nyǵaıtqysy keletinder úshin paıyzsyz nesıe beretin arnaıy agrobank qurýdy usynamyn», dedi J.Daırabaev.
Kezdesýde fermerler sý tapshylyǵy jaıly alańdaýshylyqtarymen bólisti. «Sý resýrstarynyń tapshylyǵy ekonomıkanyń kóptegen salasyna, sonyń ishinde aýyl sharýashylyǵyna keri áser etedi. Sondyqtan sý resýrstarynyń áleýetin qalpyna keltirý, onyń ishinde sý únemdeý tehnologııalaryn damytý jónindegi jumysty kúsheıtý qajet», dedi J.Daırabaev.
Oblystyń maqta ósirýshileri de óz problemalaryn aıtty. Kandıdat maqtashylarǵa máseleni sheshý úshin maqta satýmen ǵana emes, sonymen qatar qaıta óńdeýmen de aınalysýdy usyndy.
