Kandıdat at basyn burǵan «Shańyraq» kópbalaly otbasylardy qoldaý ortalyǵy zańgerlik, psıhologııalyq jáne áleýmettik baǵytta kómek kórsetedi. Munda áıelderdi jumysqa ornalastyrý boıynsha qoldaý tetikteri bar. Jeke kásip ashý úshin bıznes-jospar ázirleýge jáne turǵyn úı baǵdarlamalaryna qatysýǵa járdemdesedi.
Kezdesýge oblystyń túkpir-túkpirinen 100-ge jýyq kópbalaly ana keldi. Turǵyndar otbasy qundylyqtaryna qatysty máselelerdi kóterip, rýhanı, mádenı-áleýmettik damý tóńireginde suraq qoıyp, naqty ótinishteri men usynystaryn aıtty. «Kezdesýde Qaraqat Ábdenmen qoǵamdaǵy ózekti máselelerdi talqyladyq. Jıynda kóterilgen mańyzdy suraqtardyń barlyǵy Qaraqat Ábdenniń baǵdarlamasynda kórinis tapqany bizge unady. Ulttyq qundylyqtardy nasıhattap júrgen ózimizdeı ananyń prezıdenttikke úmitker bolyp, el bolashaǵy úshin eńbek etip júrgeni biz úshin úlken qýanysh», dedi kópbalaly ana Sandýǵash Qulmaqova.
Qaraqat Ábden ózi de kópbalaly ana retinde qazaq otbasylarynyń máselelerimen jaqsy tanys ekendigin jetkizdi. Jıynda kóterilgen ózekti máselelerdi nazarǵa alatynyn aıtty.
