Kezdesýge qatysýshylar kandıdattyń saılaýaldy baǵdarlamasy aıasynda áleýmettik salada júzege asyrýdy josparlap otyrǵan reformalary týraly suraqtaryn qoıdy. Qujattaǵy negizgi bes baǵyttyń biri osy taqyrypqa arnalǵanyn aıta ketken jón. Máselen, kandıdat azamattyq qoǵam ınstıtýttarynyń tıimdi júıesin qurýǵa jáne qoǵamdyq baqylaýdy kúsheıtýge den qoıýdy kózdep otyr.
S.Tursynbekova «Turmystyq zorlyq-zombylyqsyz Qazaqstan» jobasymen jumys isteý barysynda shalǵaı aýyldarǵa jıi barǵanyn atap ótti. «Adamdarmen tikeleı sóıleskende ǵana olar ózderiniń shynaıy máseleleri týraly aıta bastaıdy. Meniń maqsatym – osyndaı máselelerdi sheshý. Mysaly, nashaqorlyq pen qoǵamnyń maskúnemdigi. Sıntetıkalyq esirtki qoldanatyndar jıilep ketti. Qazirdiń ózinde 9 jastan 12 jasqa deıingi balalar Telegram arnalarynda olardy qaıdan jáne qalaı tabýǵa bolatynyn tez bile alady. Zertteýlerge sáıkes, bala birneshe saǵatta mekenjaılardy taba alatynyn estigende tańǵaldyq. Qazir osy máselemen kúres óte tómen deńgeıde júrýde», dedi ol.
