Elimizdiń joǵary oqý oryndarynyń dıplomdary Reseı men Belarýs elinde moıyndalady

ASTANA. 26 mamyr. Eýrazııalyq ekonomıkalyq odaq qurylǵannan keıin ózimizdiń joǵary oqý oryndarynan beriletin dıplomdar áriptes memleketter ýnıversıtetteriniń dıplomdarymen teń dárejede moıyndalady. Buqaralyq aqparat  quraldary ókilderimen kezdesken Ekonomıka jáne bıýdjettik josparlaý vıse-mınıstri Tımýr Jaqsylyqov osylaı dedi. Bul týraly BNews.kz habarlady. Tımýr Jaqsylyqov: «Búginde azamattardyń bilimi týraly dıplomdardy áriptes elder arasynda moıyndaý máselesinde kedergiler bar. Naqtylaı aıtqanda, Biryńǵaı ekonomıkalyq keńistikke qatysýshy elderdiń adamdary qazirgi kezde orta bilim, joǵary bilim týraly dıplomdaryn rastaýy qajet. Máselen, bizdiń elimizde jumysqa ornalasqysy kelgen azamat óz dıplomyn rastaý úshin nostrıfıkasııa nemese basqa rásimdeý satylarynan ótýi kerek. Endi biz bul talaptardy keleshekte alyp tastamaqpyz. Iаǵnı, Reseı nemese Belarýs elinde bilim alǵan azamatymyz elimizge jumysqa ornalasqan kezde dıplomyn rastaý rásimderinen ótkizýdi eshkim suramaıdy», – dedi. Sondaı-aq, ol bizdiń Ál-Farabı atyndaǵy Qazaq ulttyq ýnıversıteti, Qaraǵandy memlekettik ýnıversıteti jáne ózge de aımaqtyq joǵary oqý oryndarynyń dıplomdary Reseıdiń M.V. Lomonosov atyndaǵy Máskeý memlekettik ýnıversıtetiniń, sondaı-aq, basqa da joǵary oqý oryndarynyń dıplomdarymen teń dárejede qarastyrylatynyn jetkizdi. Joldybaı Bazar. Derekkóz: BNews.kz. Foto: minplan.gov.kz.