Eýrazııalyq ekonomıkalyq odaq ustanymy BUU talaptaryna qaıshy kelmeıdi

ASTANA. 26 mamyr. Ortalyq kommýnıkasııalar qyzmetinde ótken brıfıngte Ádilet mınıstriniń orynbasary Elvıra Azımova Eýrazııalyq ekonomıkalyq odaq BUU prınsıpterin oryndaýǵa mindetti ekenin jetkizdi. Bul týraly «QazAqparat» habarlady. Elvıra Azımovanyń aıtýynsha, taraptar kelisimi boıynsha Eýrazııalyq ekonomıkalyq odaq halyqaralyq uıym sanatyna jatqyzylady. Ádilet mınıstriniń orynbasary: «Is júzinde qurylatyn barlyq halyqaralyq uıymdar BUU-ǵa tirkelýi tıis. Bul uıymdar BUU-nyń barlyq  ustanymdaryn oryndaýǵa mindetti», – dedi. Brıfıngte vıse-mınıstr Eýrazııalyq ekonomıkalyq odaqty qurý jónindegi kelisim zańgerlik aýqymdy qujat ekenine toqtaldy. Onyń sózine qaraǵanda, atalǵan kelisim-shart negizine qoldanystaǵy 68 halyqaralyq qujat jatqyzylǵan. Osy ýaqytqa deıin bul kelisimde elimizdiń múddesine qaıshy keletin jaǵdaılar kezdespegen. Elvıra Azımova: «Eýrazııalyq ekonomıkalyq odaq qurý týraly kelisim jetildirilgen qujat. Ol ýaqyt talabyna jáne bizdiń múddemizge saı keledi», – dedi. Joldybaı Bazar. Derekkóz: «QazAqparat». Foto: tonykok.kz.