Eýrazııalyq ekonomıkalyq odaqtan ulttyq múddemizge nuqsan kelmeıdi

ASTANA. 26 mamyr. Eýrazııalyq ekonomıkalyq odaqtyń qurylýy elimizdiń rýhanı ómirine,  ultymyzdyń múddesine zııanyn tıgizbeıdi. Bul týraly nur.kz habarlady. Eýrazııalyq ekonomıkalyq odaq qurý jónindegi kelisim jobalaryn talqylaý barysynda halyqaralyq qyzmetti júzege asyrý jáne áriptes memleketterdiń úshinshi eldermen kelisimderin daıarlaý, bekitý tártibi qarastyryldy. Ortalyq kommýnıkasııalar qyzmetinde ótken brıfıngte Syrtqy ister mınıstriniń orynbasary Samat Ordabaev: «Áriptes memlekettermen saıası, gýmanıtarlyq yntymaqtastyq jalǵasyn tabady. Alaıda, osy salalardaǵy bizdiń qatynastar basqa alańdarda damıtyn bolady. Iаǵnı, bul qarym-qatynastar Táýelsiz memleketter dostastyǵy, Ujymdyq qaýipsizdik týraly shart uıymy aıasynda júrgiziledi», – dedi. Vıse mınıstrdiń aıtýynsha, Eýrazııalyq ekonomıkalyq odaqtyń kez kelgen is-qımyly boıynsha, ıaǵnı, sheshim qabyldaý, júzege asyrý barysynda el múddesine nuqsan kelmeıdi. Joldybaı Bazar. Derekkóz: nur.kz. Foto: i-news.kz.