Kollajdy jasaǵan Amangeldi Qııas, «EQ»
Nurlan Ábdirov klýb qatysýshylaryn Prezıdent saılaýyn ótkizýdiń erekshelikterimen, sondaı-aq saılaý naýqanynyń barysymen tanystyrdy. Jastardyń saılaý úderisindegi elektoraldyq mádenıeti men belsendiligin arttyrýdyń mańyzdylyǵy jaıynda ashyq jáne mazmundy talqylaý boldy.
Klýb qatysýshylary ótken saılaý naýqandaryndaǵy ózderiniń kandıdattar, senim bildirilgen adamdar jáne ulttyq baıqaýshylar retindegi tájirıbelerimen bólisti. Jastardyń saılaý ınstıtýtyna degen qalyptasqan senimsizdiginiń, saılaý úderisiniń keıbir qatysýshylary arasynda quqyqtyq saýatsyzdyqtyń bolýyna baılanysty Ortalyq saılaý komıssııasynyń jas saılaýshylarmen oqytý jáne aqparattyq-túsindirmeli baǵyttaǵy júıeli jumysty jalǵastyrýy týraly usynystar aıtyldy. Bul oraıda qatysýshylardyń basym kópshiligi Ortalyq saılaý komıssııasynyń aǵymdaǵy saılaý naýqanynda jastar uıymdarynyń, saıası partııalardyń ókilderine arnap ótkizgen semınarlaryn oń tájirıbe retinde atap ótti.
Prezıdent saılaýyna baılanysty saılaý úderisiniń ashyqtyǵyn qamtamasyz etý, ulttyq baıqaýshylardyń quqyqtaryn saqtaý, sondaı-aq jas elektorattarǵa arnalǵan aqparattyq-kommýnıkasııalyq jumysty jańǵyrtý týraly usynystar aıtyldy.
