Oblystyń aqsaqaldarymen jáne shyǵarmashylyq zııaly qaýym ókilderimen kezdesýde shtab músheleri Qasym-Jomart Toqaevtyń «Ádiletti Qazaqstan: bárimiz jáne árqaısymyz úshin. Qazir jáne árdaıym» saılaýaldy baǵdarlamasynda qamtylǵan máseleler keńinen talqylandy. Ásirese mádenıetti damytýǵa, memlekettik tildi qoldaýǵa, tarıhı-mádenı eskertkishterdi qalpyna keltirýge aıryqsha mán berildi.
Budan soń, Abaı oblysynyń jurtshylyǵymen óńirlerdi damytý, eń aldymen, aýyldarda jaıly ómir súrýge jaǵdaı jasaý boıynsha kandıdat usynǵan sharalar talqylandy. Erlan Qoshanov halqymyz Ádiletti Qazaqstan qurý ıdeıasynyń tóńireginde toptasýǵa tıis ekenin atap ótti. «Prezıdenttiń saıasaty men is-qımyly, birinshi kezekte, memleket múddesin qorǵap, el táýelsizdigi men qaýipsizdigin qamtamasyz etýdi kózdeıdi. Halyqtyń qalaýy da osy. Bir sózben aıtqanda, el múddesi de, er múddesi de bir jerden shyǵyp otyr», dedi ol.
Á.Bókeıhan atyndaǵy ýnıversıtette jastarmen kezdesý ótti. Jıynda shtab músheleri kandıdat baǵdarlamasyndaǵy jastarǵa qatysty is-sharalardyń barlyǵy júıeli túrde júzege asatynyn atap ótti.
